Andrey Khachaturyan

Անվան այլ կիրառումների համար տե՛ս՝ Անդրեյ Խաչատուրյան (այլ կիրառումներ)

Անդրեյ Միքայելի Խաչատուրյան (մարտի 4, 1949(1949-03-04), Երևան, Հայկական ԽՍՀ, ԽՍՀՄ), հայ հոգեբույժ, հոգեթերապևտ: Բժշկական գիտությունների դոկտոր (1998), պրոֆեսոր (1999): Հայկական հոգեթերապևտիկական լիգայի նախագահ (2000):

Գրիգոր Արզումանյանի որդին:

Անդրեյ Խաչատուրյանը ծնվել է 1949 թվականի մարտի 4-ին, Երևանում: 1972 թվականին ավարտել է Երևանի բժշկական ինստիտուտը: 1982 թվականից աշխատում է Երևանի բժիշկների կատարելագործման ինստիտուտում, 1992 թվականից՝ Առողջապահության ազգային ինստիտուտում: 1993 թվականին եղել է հոգեբուժության, հոգեթերապիայի և բժշկական հոգեբանության ամբիոնի ուսումնական մասի ղեկավար:

Աշխատանքները վերաբերում են խանդի զառանցանքի ախտաբանական հատկանիշների, հոգեօրգանական համախտանիշի կառուցվածքային տարբերակների, հետվնասվածքային գերհույզային և հարմարվողական խանգարումների ուսումնասիրմանը: Հեղինակ է «Ոչ պսիխոտիկ բնույթի խանգարումների համախտանիշային կառուցվածքը գանգուղեղային վնասվածքների հեռավոր շրջանում» (ռուսերեն, 1988) ուսումնական ձեռնարկի:

• ՀՀ հոգեբույժների ընկերակցության վարչության անդամ (1993):
• ՀՀ հոգեվերլուծական ընկերակցության անդամ (1994):
• Հոգեթերապևտների եվրոպական ընկերակցության անդամ (2000):
• Համաշխարհային առողջապահական կազմակերպության ուսումնական բաժանմունքի անդամ (2000):
• Հոգեկան առողջության եվրոպական կազմակերպության անդամ (2004):