Andrea Saccocci

Andrea Saccocci, nado en Monte San Savino, Arezzo, en 1953, é un numismático italiano.

Entre 1982 e 1992, Andrea Saccocci ocupou o posto de conservador do Museo Cívico Bottacin, de Padua.

A partir de 1992 comezou a exercer a docencia de Numismática na Università degli Studi di Udine, en Padua, desde 2002 como profesor titular.

Entre outras entidades asociativas, Saccocci é membro da Sociedade Numismática Italiana e desde 2001 forma parte do seu consello directivo. Nesta entidade, desde 2006 codirixe a súa publicación periódica, Rivista Italiana di Numismatica. En abril de 1997 foi elixido membro correspondente da American Numismatic Society, de Nova York, institución na que participou como conferenciante.

O seu centro de interese como investigador é a moeda italiana medieval e moderna, sinaladamente á cuñada nas cecas do norte de Italia entre os séculos VIII e XVI. Desde 1999 veu colaborando no proxecto Medieval European Coinage, da Universidade de Cambridge, e froito desta colaboración é a súa redacción do volume XII da serie, correspondente ás emisións do norte de Italia.

• (2007): Jeton de Vermeil, da Sociedade Francesa de Numismática.

Esta é unha escolma da produción bibliográfica de Andrea Saccocci ao longo da súa carreira:

Monografías

• (2005). Contributi di storia monetaria delle regioni adriatiche settentrionali (secoli X-XV). Taschenbuch. ISBN 9788886413831
• (2016). Medieval European Coinage. Vol. 12: Italy. I: Northen Italy (con W. R. Day e M. Matzke). Cambridge University Press. ISBN 978-0521260213

Escolma de artigos

• (2003). "Wage payments in Italy before the introduction of the 'moneta grossa', 11-12 centuries". En Revue Belge de Numismatique, 149. Páxinas 151-164.
• (2005). "Tra est ed ovest. Circolazione monetaria nelle regioni alpine fra VIII e XI secolo". En Revue numismatique. 161. Páxinas 103-121.
• (2010). "Tra antichità e medioevo: aspetti giuridici ed economici della monetazione longobarda Arquivado 04 de decembro de 2021 en Wayback Machine.". En Pace, V. L'VIII secolo: un secolo inquieto. Comune di Cividale del Friuli. Páxinas 31-42
• (2012). "Struttura dei rinvenimenti monetali in Italia Centro-settentrionale nel periodo della grande svalutazione del denario (sec. X-XIV)". En Asolati, M.; Gorini, G. I ritrovamenti monetali e i processi storico-economici nel mondo antico. Esedra, Padua. Páxinas 95-111.
• (2015). "Collezione di Vittorio Emanuele III. La monetazione di Verona". En Bollettino di Numismatica, 29. Maio. Istituto poligrafico e Zecca dello Stato, Roma. ISSN: 0392-971X