Anatoli Papian

Անատոլի Ղազարոսի Պապյան (նոյեմբերի 25, 1924(1924-11-25), Երևան, Հայկական ԽՍՀ, ԱԽՖՍՀ, ԽՍՀՄ - հունվարի 23, 2007(2007-01-23), Երևան, Հայաստան), հայ նկարիչ, ՀԽՍՀ ժողովրդական նկարիչ (1983), պրոֆեսոր (1984)։

1950 թվականին ավարտել է Երևանի գեղարվեստա-թատերական ինստիտուտը, 1951-1953 թթ. կատարելագործվել Մոսկվայում։ 1953 թվականից դասավանդել է Երևանի գեղարվեստի ուսումնարանում, 1962 թվականի՝ ԵԳԹԻ-ում

Գործերից պահվում են Հայաստանի ազգային պատկերասրահում, Մոսկվայի Արևելքի ժողովուրդների արվեստի պետական թանգարանում և այլուր։

Պապյանի դիմանկարներն ու կոմպոզիցիաներն աչքի են ընկնում անմիջականությամբ, ժամանակի (1950-1960-ական թթ.) անհատի ապրումները, նաև հասարակական գեղագիտական ըմբռնումներն արտահայտելու շեշտված միտումով։ Գունանկարներին բնորոշ են կուռ կառուցվածքը, զուսպ միջոցներով մեծ արտահայտչականության հասնելու վարպետությունը։

• «Մեղեդի», 1960, ՀԱՊ
• «Մեսրոպ Մաշտոց», 1962, ՀԱՊ
• «Առավոտ», 1978, ՀԱՊ
• «Օջախ», 1983, ՀԱՊ
• «Որդիները», 1965, Արևելքի ժողովուրդների արվեստի պետական թանգարան, Մոսկվա
• «Ռեքվիեմ ըստ Նարեկացու», 1987-2000
• «Գարուն ա, ձուն ա արել», 2000
• «Պար հին ծառերի տակ», 2000, մասնավոր հավաքածու, Փասադենա

Առավել տպավորիչ և հուզական են նրա վերջին շրջանի գործերը՝

• «Ռեքվիեմ ըստ Նարեկացու», 2003, եռապատկեր
• «Առավոտ», 2004
• «Կեսօր», 2004
• «Երեկո», 2004

Անհատական ցուցահանդեսներ է ունեցել Երևանում (1981, 1999, 2004), Փասադենայում (2000)։

• Г. Акопян, Анатолий Папян (буклет), Ереван, 1971.
• Ե. Հովհաննիսյան, Անատոլի Պապյան, «Խորհրդային Հայաստան», 1967 թ., №10։