Quick Facts
LibraBiography
Alfonso Ramón González Gallego, nado en Rianxo o 27 de setembro de 1973, é un exfutbolista e político galego do PPdeG.
Traxectoria
Estudou maxisterio na Universidade de Vigo. Dende 2002 é director comercial da Autoridade Portuaria de Vilagarcía de Arousa. Foi presidente da Cruz Vermella no Salnés (2011-2018). Militante do Partido Popular de Galicia, foi presidente dos populares de Vilagarcía de Arousa entre 2017 e 2020 e encabezou a lista do seu partido nas eleccións municipais de 2019 en Vilagarcía de Arousa mais a súa lista logrou 5 concelleiros fronte a 7 que tiña na anterior corporación. En xaneiro de 2020 anunciou que deixaba a política.
Carreira futbolística
Comezou a xogar en 1990 no Arosa Sociedad Cultural da 3ª división e na tempada 1993/94 subiu co seu equipo á 2ª B para volver á tempada seguinte á terceira. En 1996 pasou ao Club Juventud Cambados tamén na 3ª división e na tempada 1999/2000 integrou o Céltiga Fútbol Club.
Notas
- ↑ "Alfonso". BDFutbol.
- ↑ "Feijóo desvela que Alfonso Gallego será candidato a la Alcaldía en 2019". Diario de Arousa. 11 de novembro de 2017.
- ↑ García, Dani (30 de xaneiro de 2020). "Alfonso Gallego dimite como líder do PP vilagarcián por razóns ‘persoais e profesionais’". Canal Rías Baixas.
Véxase tamén
Ligazóns externas
- Datos do xogador en BDFutbol (en castelán).