Alexandre Czartoryski

Аляксандр Чартары́йскі (? — пасля 1477) — дзяржаўны дзеяч ВКЛ.

Сын Васіля, пачынальнка роду князёў Чартарыйскіх. Канюшы Вялікага Князя ВКЛ Жыгімонта Кейстутавіча ў 1440. Незадаволены антымагнацкай палітыкай Жыгімонта, які абапіраўся на дробнае баярства, разам з братамі Іванам і Міхаілам стаў адным з арганізатараў змовы і забойства Вялікага Князя, быў вымушаны ўцячы ў Маскву. Намеснік Вялікага Князя Маскоўскага ў Пскове (1443—47, 1456—60) і Ноўгарадзе (1447—56). У 1461 вярнуўся ў ВКЛ і атрымаў ад Вялікага Князя ВКЛ Казіміра IV Лагойск, Асташын, Камянец.

Быў жанаты з Марыяй, дачкой маскоўскага вялікага князя Дзмітрыя Шамякі. Патомства Аляксандра Чартарыйскага (лагойская галіна роду) у мужчынскім родзе скончылася ў XVI ст.

• Грыцкевіч А. Чартарыйскія // ЭГБ у 6 т. Т. 6. Кн. II. Мн., 2003.