Aldiansyah Taher

Aldiansyah Taher (lair ing Jayapura, 25 Oktober 1983; umur 36 taun) dhèwèké iku lulusan Sarjana Ékonomi Jurusan Akuntansi, kang nyambut gawé dadi aktor, penyanyi, lan pambawa acara ning donya perteleviasian Indonésia, agamané Islam. Kariré diwiwiti nalika dhèwèké meluni ajang pencarian model ning majalah Aneka Yess!.

Priya iki kondhang sawisé dadi paraga ning filem horor kang judhulé TEROWONGAN CASABLANCA, lan sawisé dhèwèké dadi paraga ning filem mau, Aldi dadi paraga ning sinétron Indonésia.

Bebarengan karo mantan pacaré Nadia Vega, priya kang duwé pagawéan dadi presenter program acara televisi saliyané dadi artis, Dhèwèké uga tau mbintangi filem horor kang gambaré dijukut ning Bali, judhul filem horor iku judhulé LEAK.

Aldi bebarengan karo Bachan nggawé grup Duo Kingkong lan bakal dirilis albumé kang kaping pisanan, judhulé CARI WANITA. Sasuwené putus karo Nadia Vega, Aldi sok katon mlaku bareng karo penyanyi dangdut Dewi Pessik. Nanging sakloron malah mbantah manawa dhèwèké karo Dewi Perssik duwé hubugan kaya ta sepasang kekasih. Nanging, tembe-tembe iki sawisé Dewi Pessik putus saka pepujaning atiné kang jenengé Ferry Farid Yusuf Mansyur, Aldi lan Dewi miwiti ngakoni manawa sakloro duwé gayutan kasih.

Hubungan Aldi Taher lan Dwi akiré nemuni kajelasan. Awit gonjang-ganjing sakloroné tau manggon ning ngumah bebarengan, akiré nalika akir sasi Fèbruari taun 2009, Aldi ngaku maring masarakat manawa sakloron wis nikah siri nalika tanggal 4 Juli taun 2008. Aldi taher wani nikah karo Dewi Persik kanthi cara siri amarga sakloron ora péngin kaceblos ning zina. Nalika dhèwèké nikah sirri karo Dewi Persik, wong tuwané Aldi tetep nekani.

Nikahané personel Duo Kingkong iki karo Dewi akiré diresmikaké kanthi hukum ning Jember nalika sasi Maret taun 2009. Tembe satengah taun, nikahané Aldi karo Dewi Persik resmi ning mata hukum, Nikahané mau dikirakakéb bakal bubar. Dina Selasa, 29 September taun 2009, Aldi resmi nggugat cerai karo Dewi Persik liwat PA Jakarta Barat.

Sukses ning karir donya entertainment ora nggawé dhèwèké ngelalikaké apa babagan pendidikan. Dhèwèké bisa olih gelar S1 saka Universitas Jaya Baya ning taun 2008. Karo skripsi kang judhulé Pengendalian Anggaran Dana Pada PT Bukindo Jaya Garmen, dhèwèké bisa olih IPK 3,5.