Quick Facts
Biography
Alaitz Telletxea (Oiartzun, 1976) gipuzkoar abeslari eta trikitilaria da.
Biografia
Alaitzek umetan garbi zuen zer izan nahi zuen, trikitilari. Familian ezagutua zuen trikiti tradizioa, bere bi ahizpek soinu handia jotzen baitzuten; osaba batek, panderoa; beste batek, kriskitinak; eta bi lehengusu soinu txikiarekin ere aritzen ziren, eta haien bidea jarraitu zuen. Familiako bazkariak soinu eta dantza festak izaten ziren, eta bederatzi urte zituenean soinua eskatu zuen, bai eta gustura ikasten hasi ere.
14 urte zituela Maider Zabalegirekin trikiti bikotea osatu zuen, Alaitz eta Maider izenekoa eta 1990 hamarkadaren bukaeran arrakasta itzela lortu zuten. Hiru diska kaleratu zituzten 2004an eskenatokiei agur esan zioten arte.
2007an Hainbat taldetan aritutako musikariekin batera osatu zuen Lantz folk garaikideko taldea. Trikitixa Elkarteko presidentea izan da.
Diskografia
Alaitz eta Maider
- Alaitz eta Maider (1997, Elkar)
- Inshala (1999, Elkar)
- Auskalo (2002, Elkar)
Lantz
- Igaran gaiak (2007, Hirusta)
Erreferentziak
- ↑
- Edukiaren zati bat «Alaitz eta Maider» artikulutik hartua da. Artikulu hark Mikel Markez du egile, eta Creative Commons Aitortu-Partekatu Berdin 3.0 lizentziarekin argitaratu da Badok euskal kantagintzaren atarian.
- ↑ «Trikitixa. Alaitz Telletxea, EHTEko lehendakari» Diario Vasco 2006-03-14 .