Quick Facts
ScorpioBiography
Аксана Аляксееўна Данільчык (нар. 15 лістапада 1970, Мінск) — беларуская паэтэса, перакладчыца, літаратуразнавец.
Біяграфія
Скончыла філалагічны факультэт БДУ (1993) і аспірантуру пры Інстытуце літаратуры НАН Беларусі (1996). Па стыпендыі Міністэрства замежных спраў Італіі вучылася ў Перуджы. Кандыдат філалагічных навук (2002). Член Саюза беларускіх пісьменнікаў.
Творчасць
Аўтар паэтычных зборнікаў «Абрыс Скарпіёна» (1996) і «Il Mezzogiоrno. Поўдзень» (2006), «Сон, які немагчыма забараніць» (2011), кніжкі вершаў для дзяцей «Павуцінка на агрэсце» (2005). Вершы друкаваліся ў беларускіх перыядычных выданнях, уваходзілі ў калектыўныя зборнікі і анталогіі. Вершы А. Данільчык перакладаліся на англійскую, рускую, літоўскую, польскую і ўкраінскую мовы.
Перакладае з італьянскай мовы, даследуе італьянскую літаратуру і яе ўзаемаадносіны з беларускай (працы «Рэцэпцыя Дантэ ў беларускай літаратуры ХІХ-ХХ ст.», 2006; «Італьянскі рамантызм і патрыятычныя матывы беларускай літаратуры», 2008).
Удзельнічала ў стварэнні дакументальнага фільма пра Яўгенію Янішчыц «Небяспечны талент» (2008).
Літаратура
- Янішчыц Я. Аксамітавы дожджык надзеі // «Бярозка», 1986, № 10. — С. 28.
- Бутырчык Г. Паміж святлом і цемрай (Аксана Данільчык. «Абрыс Скарпіёна». «Мастацкая літаратура», 1996.) // Першацвет, 1997, № 4.
- Калядка С. «На падмурку знітаваных імпрэсій…»: Нататкі пра кнігу Аксаны Данільчык // Дзеяслоў, 2007, № 5.
- Калядка С. У. Індэтэрмінаваны тып лірычнай гераіні ў паэзіі Аксаны Данільчык і Леры Сом // Беларуская сучасная жаночая паэзія : мастацкія канцэпцыі «жаночага шчасця». ‒ Мінск : Беларуская навука, 2010. ‒ С. 115‒146.
- Бязлепкіна А. Соннае царства (рэцэнзія на кнігу вершаў «Сон, які немагчыма забараніць») // Звязда, 2012, 26 студзеня (№ 16).