Quick Facts
Biography
 مقالة ؤلا فقرة خاصها تّقاد. هاد لمقالة ؤلا هاد لفقرة مرونة شوية، خاصّها تّقاد ؤ تزيد تّنضّم. مشاكيل: مامدرّجاش مزيانماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
عبد الله لحسايني كاتب و باحت مغريبي من مدينة بركان . نشر مجموعة د روايات و لمجموعات لقصصية و الشعرية و داير بحوت و دراسات ف ميدان التاريخ لاجتماعي لمحلي خصوصن فتاريخ ديال بني يزناسن. لحسايني كيرأس منظمة اكاديمية التراث اللي تحاول تحمي وتحقق وتسجل التراث المادي ولي ماشي مادي فلمغريب.
زيادة وقرايا وأعمال
تزاد عبد الله لحسايني فـ مدينة بركان فالشمال الشرقي ديال لمغريب فـ 1980 وفيها قرا حتى خذا الباكالوريا الزراعية. وقرا التنمية الاجتماعية فجامعة ديال وجدة وخذا ليصانص لميهني ديالها. و قرا قانون العلاقات الدولية بللوغة لفرانسوية وخذا ليصانص ديالها. ودرس ماستر قانون المنازعات القانونية ذات الصبغة الإقتصادية . وتخصص فالأخير كباحث في التراث المحلي المغريبي.
كيترأس عبدالله لحسايني منظمة مختصة فحماية التراث سميتها "منظمة أكاديمية التراث" من سنة 2017 . وأصدر مقالات بحثية ودراسات في المجال ديال التراث المحلي. مثالا دار تحقيق للمخطوطات ديال الفقيه الماليكي لي عاش فلقرن خمسطاش "سيدي محمد أبركان" وغير النظرة ديال الناس على هاذ الولي لي خذات مدينة بركان سميتها منو. عبد الله لحسايني هو اللي حاول يبرهن أن هاذ "الولي" هو فالحقيقة عالم ديال اللوغة (لغوي) وعطا لأديلة بالمخطوطات ديال هاذ شخصية منها اللي معروفة ومنها اللي ممعروفاش ولا لي نسبوها لباحثين لشخصيات خرين. خصوصن لمخطوطات اللي فلمكتبة الأثرية ديال لسكوريال فصبنيول . وݣال عبد الله لحسايني فلكتاب ديالو "سيدي محند أبركان-السيرة الغامضة" على هاذ الولي أنو "شاريح لغوي" كيشرح وينققد اللغة ديال الكتوبة ماشي والي صوفي ولا فقيه وصافي.
لحسايني جمع لحيكايات اشعبية لمحلية حققها ونسق بين رواياتها بحال حكاية "سالف لونجا" وحكاية "واو اللوت" وحكاية "دادا بوخزينة" ونشرها باللوغة لعربية ولأمازيغية اليزناسنية تايزناسنيت. وصدر كتاب يلخص اهم مراحل تاريخ بني يزناسن ولا تاريخ السكان ديال السنسلة ديال اجبال ديال بني يزناسن من الفترة اللي كيسميوها العولاما ديال لاركيولوجيا الفترة الإيبوموريزية وهدر فيها على إنسان تافوغالت وخصوصيات الحضارة ديالو مساند على لخولاصة ديال لكتيشافات ديال لاركيولوجيين خصوصاً عبد الجليل بوزوݣار وزاد تفسيرات ميتافيزيقية ديالو على الظواهر السكطولوجية يعني العقائد ديال ما بعد الموت عند إنسان تافوغالت قبل 15 خمسطاش رالف عام ووصل للتاريخ الاستعماري لبني يزناسن وفضل فالدور السياسي لي كانت تلعبو هاذ لقبيلة قبل ومور لستيعمار. ولحسايني لي عطا سمية للمقاومة ديال بني يزناسن قبل لستيعمار خصوصن ف 1895 وسماها المقاومة لستيباقية لحقاش هاذ لقبيلة كانت تأطاكي فرنسا داخل لرض ديال لجزاير. وراه يوجد ينشر دراسة تاريخية مقارينة يغير فيها اللي سماه التزوير التاريخي فسميت "بن مشعل" وبرهن أنو "بن مشعل" هي قرية أثرية فبني يزناسن فلقرن سطاش وسبعطاش 16/17 مشي شخص كيما يقولو المؤرخين خصوصاً لموؤريخ عبد الهادي التازي. وهاذ لستينتاج يقدر يغير معطيات مهمة فتاريخ لمغريب خصوصن فلفترة ديال القرن سبعطاش لحقاش فيها بدات الدولة لعلوية ويقدر يحيي المنطقة لي فيها هاذ لقرية الأثرية من جديد بعني لمنطقة ديال بني يزناسن.
شارك الباحث عبد الله لحسايني ف ندوات ديال حوار الأديان وعطا رؤيته فمفهوم التعايش بين الأديان وفمفهوم التسامح فوثيقة ليونسكو في عدة دلمناسبات من بينها ف ندوة بمعهد الحكامة والاقتصاد بالرباطوبكنيسة وجدة المغربية بمناسبة الأسبوع العالمي للحوار بين الأديان.(شوف جيهت اتصاور)
لمؤلافات ديالو
خرج الكاتب عبد الله لحسايني بزاف لكتوب ديال الأداب والبحوث من بينها
- مجموعة شعرية بعنوان : "في خاطري ترقدين" 2010:
- مجموعة شعرية "ترانيم الجبل" سنة 2012
- مجموعة شعرية "جروح السنين " سنة 2011
-لكتاب ديال ياث يزناسن 1، الثرات التاريخ والأصول فـ2013 ، لي هو دراسة تاريخية اجتماعية على قبيلت بني يزناسن,
-لكتاب ديال ياث يزناسن 2، أبركان تحت الاستيطان 2016 لي هو دراسة تاريخية اجتماعية على مرحلة احتلال مدينت بركان وقبيلت بني يزناسن-
-لكتاب ديال بنو يزناسن القصة الكاملة سنة 2019. وطبعة 2020 دراسة تاريخية اجتماعية تشمل من تاريخ ديال انسان تافوغالت حتى لقبل الاستعمار ديال لمغريب وفيها مجموعة من التراث المادي واللامادي ديال لمنطقة.
- مخطوطات سيدي محمد أبركان. سنة 2015، وطبعة ثانية سنة 2018. دار تحقيق للمخطوط "المشرع المهنا في شرح رجال الموطا" ديال الولي الفقيه والشارح اللغوي سيدي محمد أبركان لي موجود فمدينت بركان.
- رواية بطاليوس عاد إلى مقدونيا سنة 2014-
- رواية "إنجيل الأمازيغ العهد الأخير" سنة 2020 وهي رواية فكرية تهدر على اهمية ديال الجانب الإنساني فالأفكار الدينية, وتناقش اللاهوت المسيحي ولعبري بطريقة فنية أدبية.
- رواية تاريخية: "سيدي محند أبركان السيرة الغامضة"سنة 2022 وهيا رواية وتحقيق تاريخي فلألغاز ديال حياة الولي والفقيه والشارح اللغوي محمد بن الحسن أبركان لي مات فلقرن 15 بمنطقة بركان الحالية فاللخر ديال الدولة المرينية هاذ المؤلف، اللي صدراتو مطبعة “إقرأ” بالناظور، ضمن جنس ديال الرواية التاريخية اللي تجمع بين المقومات الأدبية والفنية ديال لكتابة وما بين التوثيق والتحليل التأريخي .
- دراسة مقارنة وتحقيق بعنوان "حقائق عن القلعة الاثرية دار بن مشعل من خلال حفريات في كتب التاريخ. صدرات على مكتبة سلمى بتطوان سنة 2022.
ف أدب الطفل كتب:
- قصة سميتها أريذال والدببة الناعسة، قصص ديال الأطفال
- قصة سميتها النمس والأرنب، قصص ديال الأطفال
- حكاية سميتها سالف لونجا، وهيا حكاية تراثية للطفل.
مقالات بحثية
- هل التين والزيتون ثمار أم محطات دينية؟
- أسئلة الوجود بين "الوثنية" التعددية والتوحيد
- تأملات في الحُكم والسلطة الدينية في القرآن
- ابراهيم وابراهام في التوراة والقرآن بحث مقارن
- إصلاح الدين وسؤال الشرعية
- الروافد الحقيقية المشكلة للتدين عند المجتمعات
- قراءة في الدلالات الميثولوجية لضاية "واولوث"
- هل النصارى هم مسيحيو القرآن الكريم؟
- تداعيات واقعة تقديم عريضة الاستقلال بالمنطقة الشرقية (أبركان و وجدة)
- 1953.html انتفاضة 17 غشت 1953م بأبركان وتافوغالت كمحطة أساسية للمقاومة المسلحة.
- "سونا" (بوجلود) ومحفزات إحياء التراث الشعبي
- الآثار بالرݣادة، مسؤولية فرنسا في استعادة التراث
- هل عيسى هو "المسيح" في التراث الإسلامي؟
- هل تم تحريف كتاب بن خلدون؟
- هكذا أطمرت كتب التاريخ قصبة "دار بن مشعل" الأثرية في بني يزناسن.
- بولس المسيح الحقيقي
- تاعيشورت - عاشوراء المغربية
- كيف يقاوم التراث عوامل الطمس الهوياتي.
- كنز من المعطيات يواجه المجهول الأرشيف الاستعماري لثانوية أبي الخير بمدينة أبركان
- الناير سنة فلاحية ام تقويم قومي
- معايير الهوية في تاريخية الشخصيات.
- هوية الهوية - قراءة ثانية لمفهوم "الهوية"
محاضرات
- الوئام بين الأديان محاضرة بكنيسة وجدةة المغربية
- سلسلة تاريخ ياث يزناسن
- تحريفات التاريخ "بن مشعل شخصية ام قرية ؟
- قراءة في فتوى المحكمة الدولية بخصوص الصحراء المغربية