A. Tóth Sándor

Sándor A. Tóth [ŜAndor a tOt], laŭ hungarlingve kutima sinsekvo A. Tóth Sándor estis hungara instruisto, pentristo, grafikisto, pupteatristo.

Sándor A. Tóth [1] naskiĝis la 7-an de aprilo 1904 en Hungara reĝlando en Rimaszombat (nuntempa Rimavská Sobota en Slovakio). Li mortis la 2-an de oktobro 1980 en Zalaegerszeg.

Sándor A. Tóth frekventis artan altlernejon en Budapeŝto inter 1922 kaj 1928, kie li lernis ĉefe de Gyula Rudnay kaj Oszkár Glatz. Post lernado li studvojaĝis 3 jarojn en Londono, Parizo, Berlino, kie li ne nur pentradis, sed li kreis pupojn por pupteatroj. Hejmenveninta li ekinstruis en Pápa ĝis la emeritiĝo, sed lia pupteatra laboro ne ĉesis. En 1965 kaj 1966 li vivis en Usono kaj Kanado. Li fondis pentristan rondon, kiu ankaŭ nun funkcias. Ekde 1933 konstanta ekspozicio prezentas liajn verkojn en Pápa.

• László Heitler

• hungarlingva biografio
• hungarlingva biografio