Zulqarnaj Aldamzjarov

Зұлқарнай Алдамжаров (5.12.1937, Атырау облысы, Махамбет ауданы, Сарайшық ауылы – 8.11.2005) – тарих ғылымының докторы (1986). ҚазМУ-ды (1962, қазіргі ҚазҰУ) бітірген. 1973–76 ж. Атырау облысы кәсіптік-техника білім беру басқармасының аға әдіскері, 1977–80 ж. Қазақстан КП Атырау облысының комитеті жанындағы марксизм-ленинизм университетінің директоры, 1962–67 және 1971–72 ж. Атырау облысының педагогика институтының оқытушысы, кафедра меңгерушісі, факультет деканы, 1980 жылдан осы институттың проректоры, 1989 жылдан Қостанай университетінің ректоры болды. Ғылыми жұмысының негізгі бағыты – Қазақстанды советтендіру тарихнамасы. Алдамжаров 5 монографияның, 300-ден астам ғылыми еңбектің авторы. «Парасат» орденімен марапатталған.

1. ↑ Қазақ энциклопедиясы