Quantcast
peoplepill id: zezva-medulashvili
ZM
1 views today
1 views this week
Zezva Medulashvili
Georgian translator and writer

Zezva Medulashvili

Zezva Medulashvili
The basics

Quick Facts

Intro Georgian translator and writer
Is Translator Writer Orientalist
From Georgia Russia
Field Literature Social science
Gender male
Birth 20 December 1939, Arashenda
Age 82 years
The details (from wikipedia)

Biography

ზეზვა მედულაშვილი (დ. 20 დეკემბერი, 1939, არაშენდა, გურჯაანის რაიონი, საქართველოს სსრ) — ქართველი მთარგმნელი, მწერალი, აღმოსავლეთმცოდნე და პოლიგლოტი.

ბიოგრაფია

ზეზვა მედულაშვილი დაიბადა გურჯაანის მუნიციპალიტეტის სოფელ არაშენდაში 1939 წლის 20 დეკემბერს.

1957 წელს „ვერცხლის მედლით“ დაამთავრა არაშენდის საშუალო სკოლა და მისაღები გამოცდები ჩააბარა თბილისის ივანე ჯავახიშვილის სახელობის სახელმწიფო უნივერსიტეტისაღმოსავლეთმცოდნეობის ფაკულტეტზე ირანოლოგიის განხრით, სპარსული ენისა და ლიტერატურის განყოფილებაზე. პირველივე კურსის მეორე სემესტრიდან გადაიყვანეს ახალგახსნილ არმენოლოგიის განყოფილებაზე, რომელიც დაამთავრა კიდეც როგორც არმენოლოგმა, თუმცა სპარსულის სწავლა არ მიუტოვებია და დამოუკიდებლად განაგრძობდა მის უფრო ღრმად შესწავლას და დაუფლებას. ასევე დამოუკიდებლად სწავლობდა თურქულ, აზერბაიჯანულ და სხვა აღმოსავლურ ენებს.

1961 წელს მისი პირველი თარგმანი დაიბეჭდა ალმანახ „მეგობრობის ცისარტყელაში“.

ზეზვა მედულაშვილის თარგმანები: სპარსული, სომხური, ტაჯიკური, უზბეკური, თურქმენული, თურქული, ჩეჩნური, რუსული, გერმანული, აზერბაიჯანული ენებიდან იბეჭდებოდა სხვადასხვა ჟურნალ-გაზეთებში. მისი რედაქტორობით გამოცემულია მრავალი თარგმანი.

1974 წლიდან მუშაობდა მწერალთა კავშირთან არსებულ მხატვრული თარგმანისა და ლიტერატურულ ურთიერთობათა მთავარ სარედაქციო კოლეგიაში უფროს მეცნიერ-თანამშრომლად.

ზეზვა მედულაშვილი არის პანკისის და დმანისის საპატიო მოქალაქე.

თარგმნილი წიგნები

  • ჰრანტ მათევოსიანი ჩემი მგელი (მოთხრობები), თბ. ნაკადული, 1987
  • ჰრანტ მათევოსიანი მიამიტური ამბავი, თბ. ნაკადული, 1971
  • ჰრანტ მათევოსიანი აგვისტო (მოთხრობები), თბ. საბჭოთა საქართველო, 1977
  • ჰრანტ მათევოსიანი მწვანე მინდორი, თბ. 1987წ.
  • აზერბაიჯანული მოთხრობები, თბ. ნაკადული, 1974წ.
  • აზერბაიჯანული ზღაპრები, თბ. ნაკადული 1974წ.
  • აზერბაიჯანული ბაიათები, თბ. ნაკადული, 1979წ.
  • ისა ისმაილზადე, ლექსები, თბ. საქართველო, 1983წ.
  • მამედ არაზი ანდერძი, ლექსები თბ. საქართველო, 1984წ
  • ქოროღლი (აზერბაიჯანული ეპოსი), თბ., კავკასიური სახლი, 2003, ISBN 99928-71-34-2
  • საიათნოვა, ლექსები, თბ., კავკასიური სახლი, 2005.
  • ათას ერთი აზერბაიჯანული ბაიათი, თბ. უნივერსალი, 2010, ISBN 978-99941-17-064-5

პრემიები და ჯილდოები

  • საქართველოს ღირსების ორდენი
    „ღირსების ორდენი“, 2001
  • ეღიშე ჩარენცის პრემია, 1986
  • ივანე მაჩაბელის პრემია, 1987
  • ლიტერატურული პრემია „საბა”, აზერბაიჯანული ხალხური ეპოსის „ქოროღლის“ თარგმანისათვის, 2004
  • ნაჯაფ ნაჯაფოვის პრემია, 2008
  • პირველი პრემია „პოეზიის დღე-შოთაობა“, 2011
  • ლიტერატურული პრემია „საგურამო“, 2011
  • აკად. ზაჰიდ ხალილოვის პრემია, აზერბ. 2012წ.
  • კანთეღი (კანდელი), სომხ. 2012წ.

წოდებები

  • „ქართული კულტურის ამაგდარი“, თბილისის მერია, 2011
  • „ქართული კულტურის დესპანი“, საპატიო სიგელი, თბილისის მერია, 2012

სქოლიო

The contents of this page are sourced from Wikipedia article. The contents are available under the CC BY-SA 4.0 license.
comments so far.
Comments
From our partners
Sponsored
Sections Zezva Medulashvili

arrow-left arrow-right instagram whatsapp myspace quora soundcloud spotify tumblr vk website youtube pandora tunein iheart itunes