Quick Facts
Biography
Zeynita Gibbons adolah wartawan asa Minang nan sajak taun 2000 iduik di Eropa. Inyo lahia di Muaro Labuah, Paninjauan, Solok pado taun 1957.
Pandidikan
Zeynita marautau ka Jakarta basamo jo urang tuonyo. Inyo disakolahkan di SMA V atau SMA Budi Utomo dakek Lapangan Banteng pado taun 1975, dan inyo bakuliah di Sekolah Tinggi Publisitik (STP).
Karier
Inyo mampunyoi uni nan banamo Suarni Moeis nan bakarajo di Sekretariat Pimpinan LKBN Antara di Jakarta. Zeynita acok mangunjuangi uninyo di kantua Antara di Pasar Baru, Jakarta sambia baraja mangetik di ruangan perpustakaan. Satamaiknyo sakolah, inyo ditawarkan untuak bakarajo di perpustakaan LKBN Antara. Inyo mangawali karienyo sabagai staf perpustakaan nan batugeh marekapitulasi jumlah barito Antara nan dikutip dek surek kaba saluruah Indonesia.
Wakatu itu, ado pandidikan dasa jurnalistik di Press Center dakek Istano Merdeka. Dek pimpinan, inyo nampak suko manulih, inyo diikuikan sabagai peserta. Pandidikan itulah nan mambaoknyo ka pakambangan karier salanjuiknyo. Inyo maraso musti labiah serius, mangko inyo lanjuikan kuliah di Sakolah Tinggi Publisitik (STP). Inyo pandai babahaso Inggirih sainggo dilatakan sabagai panarjamah sakaligus pawarta. Salain mantarjamahkan, inyo juo manulih artikel untuak rubrik “Spektrum” jo “Pimpinan”. Inyo suko pulo mandalami liputan musik sangkek Indonesia didatangi artis lua nagari. Bahkan inyo panah ikuik patamuan musisi dunia dalam acara Pacific Harmony di Bali pado taun 1995. Inyo panah juo malipuik kagiatan bidang kasehatan jo kaluarga barancana pado wakatu Indonesia giat-giatnyo malancarkan program KB.
Rujuakan
- ↑ Chaniago, Hasril (2018). 121 Wartawan Hebat dari Ranah Minang. Padang: Biro Humas Setda Sumatera Barat. pp. 452-454. ISBN 978-602-51382-0-1.