Yevgenya Moghnyan

Եվգենյա Ադամի Մողնյան (հոկտեմբերի 14, 1906(1906-10-14), Ղզլար, Ռուսաստան - անհայտ, Երևան, Ռուսական կայսրություն), հայ բժիշկ, մանկաբարձ-գինեկոլոգ: Բժշկական գիտությունների դոկտոր (1964), պրոֆեսոր (1971):

Եվգենյա Մողնյանը ծնվել է 1906 թվականի հոկտեմբերի 14-ին, Ղզլար քաղաքում (Դաղստան): 1931 թվականին ավարտել է Երևանի բժշկական ինստիտուտը: 1934 թվականից աշխատել է Հայկական ԽՍՀ մանկաբարձության և գինեկոլոգիայի ինստիտուտում: 1941-1945 թվականներին եղել է Երևանի էվակոհոսպիտալի պետի տեղակալ, 1945 թվականից՝ Երևանի բժշկական ինստիտուտի մանկաբուժության, սանիտարական և ստոմատոլոգիական ֆակուլտետների մանկաբարձության և գինեկոլոգիայի ամբիոնում (1969-1974 թվականներին՝ վարիչ):

Աշխատանքները վերաբերում են հղիների ուշ տոքսիկոզներին, սիրտանոթային ախտաբանությանը: Առաջինն է կիրառել թերջերմության եղանակը՝ արգանդի ֆունկցիայի խանգարման հետ կապված արյունահոսությունների բուժման համար: Հայտնի են ուշ տոքսիկոզի բուժական միջոցառումներում սպիտակուցային դիետայի օգտագործման վերաբերյալ նրա առաջարկությունները: Հեղինակ է 43 գիտական աշխատությունների:

• «Պատվո կրծքանշան» շքանշան:

• Հղիության կանխումը: Մողնյան Եվգենյա Ադամի, Առողջապահության մինիստրություն, Երևան, Հայպետհրատ, 1961:

• Айриян А. П., Армянские учёные-медики. Ер., 1998, 276 с.