Xosé Manuel Penas Patiño

Xosé Manuel Penas Patiño, nado en Santiago de Compostela en 1950, é un ornitólogo, profesor e político galego.

Diplomado en Maxisterio, estudou interiorismo e empezou a cursar a licenciatura en Bioloxía, carreira que non chegou a rematar.

Foi profesor do Centro Público Integrado dos Dices, Rois, até a súa xubilación, e membro da Plataforma pola defensa do Sar. É especialista en aves.

Na política

Nas eleccións municipais de 1995 foi elixido concelleiro de Rois polo BNG, do que foi o seu voceiro no Concello. Volveu ser elixido concelleiro nas municipais de 1999 e 2003. Nese ano foi elixido alcalde de Rois grazas a un pacto co PSdeG-PSOE. Volveu ser concelleiro até 2010, cando renunciou á súa acta cando se xubilou como docente.

Libros

• 1980 - Guía das aves de Galicia. (Con Carlos Pedreira López e Carlos Rodríguez Silvar. Prólogo de Ramón Piñeiro). Vigo: Editorial Galaxia, S. A. ISBN 84-7154-379-6.
• 1985 - O lobo. Santiago de Compostela: Sociedade Galega de Historia Natural. ISBN 84-398-4357-7.
• 1989 - Cetáceos, focas e tartarugas mariñas das costas ibéricas. (Con Antonio Piñeiro Seage e Xulio López Caeiro). Santiago de Compostela: Dirección Xeral de Formación e Promoción Social Pesqueira. ISBN 84-453-0072-5.
• 1991 - Guía das aves de Galicia. (Con Carlos Pedreira López e Carlos Rodríguez Silvar. Prólogo de Felipe Bárcena y Varela de Limia). A Coruña: Bahia Edicións. ISBN 84-87674-06-2.
• 1995 - Aves. Tomo II do Atlas de vertebrados de Galicia. Santiago de Compostela: Sociedade Galega de Historia Natural / Consello da Cultura Galega. ISBN 84-87172-89-X. (Nesta obra, ademais de asinar varios artigos, Penas Patiño foi secretario desde 1985 a 1994, e coordinador desde 1980 a 1994).
• 2004 - Guía das aves de Galicia. (Con Carlos Pedreira López e Carlos Rodríguez Silvar, ilustracións. Prólogo de Xesús Domínguez Conde). ISBN 978-84-96128-69-9. Nova edición, que inclúe CD-ROM e na que se describen 448 especies, ilustradas por Calros Silvar con máis de 2 000 debuxos a toda cor.

Artigos en revistas

• 1975 - "Nomes galegos do Erithacus rubecula e do Troglodytes troglodytes". (Con Carlos Pedreira López). Verba. Anuario galego de filoloxía, nº 2, páxs. 295-306.
• 1976 - "Nomes galegos das aves do xénero Streptopelia e Columba". (Con Carlos Pedreira López). Verba: Anuario galego de filoloxía, nº 3, páxs. 347-356.
• 1977 - "Nomes galegos de aves piciformes". (Con Carlos Pedreira López). Verba: Anuario galego de filoloxía, nº 4, páxs. 343-354.
• 1977 - "Lista patrón das aves de Galicia. I", con Xosé Manuel Penas Patiño. Braña. Bol. Soc. Galega Hist. Nat.. Ano 1977. nº 1-2, páxs. 131-142.
• 1978 - "Lista patrón das aves de Galicia. II", con Xosé Manuel Penas Patiño. Braña. Bol. Soc. Galega Hist. Nat.. Ano 1978. nº 2, páxs. 25-36.
• 1980 - "Nomes galegos das aves da familia Fingillidae". (Con Carlos Pedreira López). Verba: Anuario galego de filoloxía, nº 7, páxs. 355-378.
• 1982 - "Os vertebrados da Galiza e o ensino" (Con Carlos Vales Vázquez). O Ensino: revista galega de Sócio-Pedagoxía e Sócio-Lingüística, nº 4, páxs. 19-30.
• 2013 - "Unha plataforma para un Sar con vida". Cerna: Revista galega de ecoloxía e medio ambiente, nº 70, páxs. 42-43.
• 2014 - "Galicia baixo a terra". (Con Javier Santiago Caamaño e Luís Gómez Aldegunde). Boletín das ciencias, nº 79, páxs. 51-52. Exemplar dedicado ao XXVII Congreso da Asociación de Ensinantes de Ciencias de Galicia (ENCIGA).

Outros artigos

• Eleccións municipais en Rois

Ligazóns externas

• Entrevista en El Correo Gallego
• Obra de Xosé Manuel Penas Patiño en Dialnet.