Quick Facts
Biography
Xosé García Oro, nado en Goiás (Lalín) o 5 de setembro de 1931, é un relixioso e historiador especialista en historia da baixa idade media e historia moderna do Reino de Galicia.
Traxectoria
Estudou nos seminarios da Orde Franciscana e en 1949 ingresou na mesma. Ordenouse sacerdote en 1956. Fixo estudos de Teoloxía e Historia en Roma e de Filosofía e Letras na Universidade de Santiago de Compostela. Profesor de Paleografía e Diplomática, Historia Medieval, Historia Moderna, Lingua e Literatura latinas. Doutor en Filosofía e Letras, Teoloxía e Historia Eclesiástica.
Na vida persoal é un relixioso pertencente á orde franciscana.
Obras
Entre as súas máis de 40 obras, salientan os estudos sobre a nobreza galega na Baixa Idade Media, a Galicia dos séculos XIV e XV, unha investigación sobre as actas municipais de Baiona de Miñor, Diego de Muros e a cultura galega do século XV, Os Fonseca na Galicia do Renacemento. Especializouse en figuras como Fernando de Andrade e Pérez das Mariñas, conde de Andrade e Vilalba, Diego Sarmiento de Acuña, Conde de Gondomar e o Cardeal Cisneros.
En historia eclesiástica ten publicada unha historia da Igrexa galega e unha historia da arquidiocese de Santiago de Compostela e un estudo sobre a reforma dos relixiosos españois en tempo dos Reis Católicos, entre outras.