Xoán Costa

Xoán Xosé Costa Casas, nado en 1956 en Oroso, é un escritor galego.

Licenciado en Filoloxía Galego-Portuguesa pola Universidade de Santiago de Compostela, ampliou estudos na Universidade de Lisboa durante o curso 1981-1982. Profesor de Lingua e Literatura Galega no IES de Canido (Ferrol) durante os anos 1982 e 1983; profesor no IES de Elviña (A Coruña), en 1984 e no IES Menéndez Pidal desa mesma cidade desde 1985.

Autor de estudos e artigos sobre lingua e sobre literatura galega, e colaborador en publicacións periódicas galegas (A Nosa Terra, Terra e Tempo). Foi director, entre 1985 e 1987, da Revista Agália. Colabora actualmente en Sermos Galiza, e é presidente da AS-PG desde 2001.

Obra colectiva

• Nova gramática para a aprendizaxe da língua, 1988, Vía Láctea. Con César Morán, María dos Anxos González Refoxo e Xoán Carlos Rábade Castiñeira.
• Actividades de expresión oral e escrita, 1990, Baía Edicións.
• Actividades de léxico 1 e 2, 1990 e 1991, Baía Edicións. Con María dos Anxos González Refoxo e Xoán Carlos Rábade Castiñeira.
• Actividades de construción gramatical, 1991, Baía Edicións. Con María dos Anxos González Refoxo e Xoán Carlos Rábade Castiñeira.
• O ensino da língua: Por un cámbio de rumo, 1995, AS-PG, en colaboración con Pilar García Negro.

Ligazóns externas

• A baloira dos días, páxina web do autor
• Perfil do autor en Terra e Tempo
• Perfil en Sermos Galiza
• Ficha do autor na AELG