Xaquina Trillo

Xaquina Trillo Sánchez, nada en Vilagarcía de Arousa en 1916 e finada en 2004, foi unha mestra e escritora galega.

Filla dun galeguista liberal que foi concelleiro en Vilagarcía de Arousa. Durante a República colaborou como mestra en actividades de extensión cultural. Colaborou na sección "O Recanto da Muller" de A Nosa Terra. Despois da guerra tivo varios destino até que aprobou as oposicións e foi destinada a Marineda. Na década dos oitenta afiliouse ao Partido Galeguista. Publicou poemarios pasados os sesenta anos.

• Ceibos, 1980.
• Xanela aberta, 1981.
• Tempos idos, 1983.
• Védelos ei van, 1985.
• A rosa dos ventos, 1989.
• Compostela i as camelias, 1993.

Bibliografía

• Blanco García, Carmen (1992). "Xaquina Trillo. Versificadora galeguista". Andaina (4): 53–54. 
• Marco, Aurora (2007). Dicionario de Mulleres Galegas. Edicións A Nosa Terra. p. 430-431. ISBN 978-84-8341-146-9.