Quick Facts
Biography
Xamuil Xauris (en árabe: شموئيل شوريز), nado en Tesqopa (Iraq) o 25 de xaneiro de 1909 e finado o 14 de xuño de 1981, foi un eclesiástico católico caldeo, arcebispo de Urmia dende 1974 até o seu pasamento.
Traxectoria
Naceu en Tesqopa, unha vila de maioría cristiá e asiria do norte de Iraq (entón baixo soberanía otomá, na provincia de Mosul), e pertencente á eparquía de Alqosh, o 25 de xaneiro de 1909. Entrou na Orde Antoniana de Santo Hormisdas dos Caldeos, e o 28 de outubro de 1951 foi ordenado sacerdote.
O 18 de xaneiro de 1972 foi nomeado arcebispo de Ahvaz. Recibiu a consagración episcopal de mans do patriarca de Babilonia Paulo II o 14 de maio do mesmo ano. O 1 de maio de 1974 foi nomeado arcebispo de Urmia e bispo de Salmas, cargos que exerceu até o seu pasamento o 14 de xuño de 1981.
Notas
| Dignidades da Igrexa católica | ||
|---|---|---|
| Predecesor: Saia Daxtu | Arcebispo de Urmia 1974 - 1981 | Sucesor: Tumas Miram |
| Predecesor: Saia Daxtu | Bispo de Salmas 1974 - 1981 | Sucesor: Tumas Miram |