Quick Facts
Biography
Willem Jordaan is 'n Suid-Afrikaanse joernalis wat met ingang 1 April 2016 aangestel is as redakteur van die Kaapse dagblad Die Burger.
Jordaan het sy joernalistieke loopbaan in 1999 by Die Burger begin. Hy is in dieselfde jaar bevorder tot parlementêre verslaggewer en het later ook as politieke beriggewer vir die koerant in die Wes-Kaapse wetgewer en in die parlement gewerk. In 2005 is hy aangestel as politieke redakteur en in 2009 as adjunkredakteur. Sedert Januarie 2015 was hy waarnemende redakteur van Die Burger. Hy het Bun Booyens opgevolg, wat in Desember 2015 aangedui het dat hy Media24 in Maart 2016 sou verlaat. Booyens, wat in 2010 aangestel is, het Die Burger tot in sy eeufeesjaar gelei.
Jordaan is ‘n oudstudent van die Universiteit Stellenbosch, waar hy die grade B.A. (politieke wetenskap en filosofie), B.A. Hons. (filosofie) cum laude, Hons. B.Phil. (joernalistiek) en M.Phil. (joernalistiek) cum laude, behaal het.
Bron
- (en) Besonderhede oor Willem Jordaan op WhosWho.co.za. URL besoek op 2 Maart 2016.
- (af) Die Burger se redakteur bedank. URL besoek op 2 Maart 2016.