Quick Facts
Biography
Думчев Владимир Зиновьевич (1946, Атырау қаласы) - мемлекет қайраткері.
Атырау ауыл шаруашылығы техникумын (1965), Ташкент темір жол институтын (1972) бітірген. 1965-1968 жылдары — "Коммунизм жолы" кеңшарында техник-механик. 1968-1972 жылдары — Кеңес Армиясы қатарында азаматтық борышын өтеген, Атырау темір жол бөлімшесінде автоматика және телемеханика бөлімінің инженері. 1972-1974 жылдары — Гурьев қалалық партия комитетінде өндіріс және көлік бөлімінің бастығы, хатшы. 1974-1984 жылдары — КОКП ОК-нің Ауғанстандағы кеңесшісі, Қазақстан КП ОК жанындағы Жоғары партия мектебінде оқыған. 1986-1988 жылдары — Ембі аудандық партия комитетінің I хатшысы. 1988-1991 жылдары — Қазақстан Компартиясы ОК-нің нұсқаушысы, Қызылорда облыстық партия комитетінің II хатшысы. 1991-2003 жылдары — «Шеврон» компаниясының арнайы жобалау бөлімінің менеджері. 2003 жылдан «Теңізшевройл» БК-ның арнайы жобалау бөлімінің менеджері. 1990 жылы ҚазақКСР Жоғарғы Кеңесінің депутаты болып сайланған.
«Халықтар Достығы» және «Құрмет» (2003) ордендерімен және «Еңбектегі ерлігі үшін» (1986) медалімен марапатталған.
Дереккөздер
- ↑ Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1