Quick Facts
Biography
Վիլիս Անդրանիկի Մկրտչյան (ապրիլի 1, 1937({{padleft:1937|4|0}}-{{padleft:4|2|0}}-{{padleft:1|2|0}}), Արտիմետ, Արմավիրի մարզ, Հայաստան), հայ իմունաբան: Բժշկական գիտությունների դոկտոր (1985), պրոֆեսոր (1986):
Կենսագրություն
Վիլիս Մկրտչյանը ծնվել է 1937 թվականին Արմավիրի մարզի Աթարբեկյան (այժմ` Արտիմետ) գյուղում: 1961 թվականին ավարտել է Երևանի բժշկական ինստիտուտը: 1976 թվականից Սրտաբանության գիտահետազոտական ինստիտուտի իմունաբանության լաբորատորիայի վարիչ, 1988-2004 թվականներին` փոխտնօրեն, 1992 թվականից, միաժամանակ` Երևանի պետական բժշկական համալսարանի պրոֆեսոր:
Աշխատանքները վերաբերում են տարբեր հիվանդությունների ժամանակ իմունային տեղաշարժերի, բուժման իմունակարգավորիչ եղանակների մշակման հարցերին: Առաջարկել է սրտի իշեմիկ հիվանդության, ռևմատիզմի, մարսողական, ներզատական, վերարտադրողական համակարգերի որոշ հիվանդությունների բուժման նոր եղանակներ:
Անդամակցություն
- ՀՀ սրտաբանների ընկերակցության անդամ, 1972 թ.
- ՀՀ իմունաբանների ընկերակցության անդամ, 1982 թ.
- Սրտաբանների եվրոպական ընկերակցության անդամ, 1996 թ.
- ԱՊՀ երկրների ալերգաբանների և իմունաբանների միության անդամ, 1997 թ.
Պարգևներ, մրցանակներ
- Երևանի քաղաքապետի ոսկե մեդալ