Sevyaryn Kvyatkouski

Севярын Аляксандравіч Квяткоўскі (нар. 30 сакавіка 1973, Мінск) — беларускі літаратар, медыя-пісьменнік, журналіст, рэдактар, менеджар культурных і медыяпраектаў, блогер.

Працаваў журналістам на «Radio 101,2 FM» (1995—1996); у газетах «Имя» (1995—1996) і Наша Ніва (1996—1999); у беларускай рэдакцыі «Польскага радыё» (1997—1998); на «Радыё Рацыя» (1999—2002) і Радыё «Свабода» (2002—2008). Рэдактар грамадскага блогу «Будзьма беларусамі!» (2008—2012). Ад 2012 — публіцыст Радыё «Свабода». Сябра БАЖ, Саюза беларускіх пісьменнікаў і ПЭН-цэнтру.

Уваходзіў у склад Партыі аматараў піва.

Дэбютаваў у газеце «Наша Ніва» ў 1993 годзе імпрэсіямі «На гэтай паперы…», «Момант Мяне», «Парагвай». Піша апавяданні, эсэ, імпрэсіі, мініяцюры, нарысы, фрашкі, аўтарскія тэксты. Публікуецца ў «Нашай Ніве», «Arche», на Svaboda.org і іншых інтэрнэт-пляцоўках. Паводле Севярына Квяткоўскага, у сеціўнай медыяпрасторы рэальнасць і мастацтва пераплятаюцца і набываюць самыя неверагодныя формы.

Аўтар кніг «Фрашкі да пляшкі» (2007), «Падарунак для Адэлі» (містычны трылер у навелах; 2012). Таксама аўтар ідэі і сааўтар аўдыёкнігі «Народныя фрашкі. Супольны альбом» (2009). Аўтар праекта і кнігі «Як стаць беларусам» (2014). Сатырычнага рамана-комікса «Каларадская пушча» (2019).

• Лаўрэат прэміі «Залатая літара» (2007) за кнігу «Фрашкі да пляшкі».
• Лаўрэат прэміі сайту 101blog.net (2007) за лепшы постынг у беларускай блогасферы за 2007 год.

• Квяткоўскі Севярын Аляксандравіч / Саюз беларускіх пісьменнікаў: Асабістыя старонкі сяброў СБП [Электронны рэсурс] — Рэжым доступу http://lit-bel.org
• Севярын Квяткоўскі «Падарунак для Адэлі» // Літаратурная прэмія імя Ежы Гедройца: Вынiкi 2012 года [Электронны рэсурс] — Рэжым доступу http://2013.gedroyc.by/

• http://www.budzma.org/
• http://abrykos.livejournal.com/ — блог С. Квяткоўскага ў ЖЖ
• Творы С. Квяткоўскага на «Беларускай палічцы»