Sara Mora

Sara Mora Romeo (acreditata como Sara Mora) ye una actriz aragonesa naixita en 1953 d'Escatrón (Ribera Baixa de l'Ebro) que desembolicó a suya carrera artistica sobre tot en las decadas de los anyos 1970 y 1980, destacando en lo chenero de lo destape, que yera o chenero que en ixas envueltas predominaba en o cine espanyol.

Naixió en una familia d'Escatrón y emigró ta Zaragoza habendo vivito bel tiempo en la Puebla d'Íxar, alazetando os suyos treballos en o mundo d'o spectaclo en collas teatrals d'aficionatos de Zaragoza, ta dimpués continar-la en Madrit dende 1973. A suya primera presencia publica en os scenarios teatrals como profesional en Madrit estió en a obra La Muerte de Danton, d'Alberto Gonzáles Vergel. Dende alabez, os suyos treballos en o munco d'o spectaclo combinoron o treballo en o teatro con treballos en o mundo d'o cine y en o mundo d'a televisión, en primeras como presentadora de televisión en bellos programas de TVE como Destino Argentina u Sumarísimo).

Sara Moreno plega en o mundo d'o cine en un periodo en que en o cine espanyol predomina la comedia erotica en haber desapareixiu a censura y amanixer o erotismo que dica l'inte heba prohibito o franquismo. Os suyos primers papels cinematograficos son asinas en cintas d'iste chenero, en podedo-se destacar bellas cintas como Las alegres vampiras de Vögel (Julio Pérez Tabernero, 1974), La insólita y gloriosa hazaña del cipote de Archidona (Ramón Fernández, 1979), Los energéticos (Mariano Ozores, 1979), La masajista vocacional (Francisco Lara Polop, 1981), La pitoconejo (Zacarías Urbiola, 1982), u atras produccions comercials tipo Othello, el comando negro (Max H. Boulois, 1982), u Atrapados en el miedo (Carlos Aured, 1985). A suya participación en o chenero de destape ye calificata por muitos especialistas con optica actual como erotismo peludo.

Ta 1990 remata o cine de destape, como se conoixeba a ixe erotismo de baixa intensudat y con bien poquetas cintas d'intrés cinematografico y Sara Mora cambea asinas a orientación d'o suyo treballo adedicando-se a fer cintas de mayor calidat que dica l'inte. Ixa nueva etapa prencipia con o suyo papel en la serie de TVE, La forja de un rebelde, de Mario Camus, ta continar-la dimpués en o mundo d'o cine. Bellas cintas destacatas d'iste segundo periodo en a suya filmografía son Tramontana (Carlos Pérez Ferré, 1991), Huidos (F. Sancho Gracia, 1993), Tirano Banderas (José Luis García Sánchez, 1993) y Cachito (Enrique Uribe, 1996). Tamién contina con a suya colaboración en series de televisión, como una nueva serie sobre a fegura de Curro Jiménez t'a cadena Antena 3 TV en 1995.

Cintas

• 1975: Las alegres vampiras de Vögel, de Julio Pérez Tabernero, con Ágata Lys, María José Cantudo, Germán Cobos y Rafael Conesa.
• 1977: El espiritista.
• 1978: La mujer de la tierra caliente.
• 1979: La pitoconejo.
• 1979: Los energéticos, de Mariano Ozores.
• 1979: La insólita y gloriosa hazaña del cipote de Archidona, de Ramón Fernández.
• 1979: Las siete magnificas y audaces mujeres.
• 1980: Atraco a sexo armado.
• 1980: Barba Azul y sus mujeres, de Juan José Alonso Millán, con Manolo Gómez Bur, Carmen del Lirio, Marisol Ayuso, Mónica Cano y Beatriz Escudero.
• 1981: Eva Man (Due sesi in uno).
• 1981: La casada divertida.
• 1981: Al sur del edén.
• 1981: La frígida y la viciosa.
• 1981: La masajista vocacional, de Francisco Lara Polop.
• 1982: La pitoconejo, de Zacarías Urbiola (aka El regreso de Eva Man).
• 1982: Othello, el comando negro, de Max H. Boulois, con Tony Curtis, Joanna Pettet y Nadiuska.
• 1985: Atrapados en el miedo, de Carlos Aured, con Adriana Vega, José Luis Alexandre y Joaquín Navarro.
• 1991: Tramontana, de Carlos Pérez Ferré.
• 1993: Huidos, de F. Sancho Gracia.
• 1993: Tirano Banderas, de José Luis García Sánchez.
• 1996: Cachito, d'Enrique Uribe.

Series de televisión

• 1985: Como Pedro por su casa, primer episodio.
• 1978: Sumarísimo.
• 1990: La forja de un rebelde.
• 1997-1998: Querido maestro.

• Interviú numero 97, 23-03-1978.
• Interviú numero 126, 12-10-1978.
• Interviú extra Navidad 1978, "Quince niñas a flor de piel".
• Lib numero 115, chinero de 1979.
• Lib numero 162, noviembre de 1979.

• (es) Sara Mora Romeo en a Gran Enciclopedia Aragonesa.
• (en) Sara Mora en IMDb.