Rudi Mantofani

Rudi Mantofani (laia di Padang, Sumatera Barat, taun 1973) adolah surang parupo kontemporer Indonesia. Inyo basamo ampek urang kawannyo, yaitu Handiwirman Saputra, Jumaldi Alfi, Yunizar, dan Yusra Martunus, tagabuang dalam Kelompok Seni Rupa Jendela (KSR Jendela) nang laia sarato babasis di kota Yogyakarta, DIY.

Pado suatu acara lelang nan diadoan dek Rumah Lelang Indonesia di Singapura, lukisan Rudi Mantofani nan baaliran kontemporer bahasil tajua saharago sakitar Rp 1,5 miliar, dan tamasuak karya seni tamaha nan dilelang pado acara nan manampilkan pulo karya Affandi tu.

Rudi Mantofani basamo 20 parupo Indonesia lainnyo masuak dalam daftar 500 palukih talaris di dunia badasarkan Top 500 Artprice 2008/2009 nan disusun dek sabuah limbago analis pakambangan pasar seni rupo dunia, Artprice, nan babasis di kota Paris, Perancis.

Rudi Mantofani manampuah pandidikan manangah di Sekolah Menengah Seni Rupa (SMSR) di kota Padang, dan manamaikan pandidikan tinggi di Institut Seni Indonesia Yogyakarta (ISI Yogyakarta). Salain palukih, Rudi Mantofani dikenal pulo sabagai pamatuang.

Rujuakan

Artikel batopik biografi tokoh Indonesia ko baru babantuak rancangan. Sanak dapek mambantu Wikipedia mangambangannyo.