Roi Casal

Formou parte do grupo galego Milladoiro como harpista dende o ano 2000 até o 2009.

Roi Casal publicou o seu primeiro álbum en solitario, titulado Lendas Douradas, en novembro de 2008. Nel céntrase na música tradicional dende unha perspectiva pop. Son destacábeis as letras de Rosalía de Castro e de Manuel María e do propio artista en varias cancións.

En 2011 publicou Maxicamente vello, no que realiza unha interpretación da música galega dende unha visión contemporánea.^{[Cómpre referencia]} Con este disco realiza unha xira de máis de 50 concertos por todo o estado español e recibe numerosos recoñecementos, entre os que destaca o Premio Internacional Cubadisco recibido en La Habana^{[Cómpre referencia]} en 2014.

En 2014 publicou Donos do noso destino, co que emprende unha xira internacional en Suíza, Uruguai, Arxentina e Cuba.^{[Cómpre referencia]} Neste mesmo ano recibe o Premio Bo e Xeneroso por parte da Fundación Eduardo Pondal.^{[Cómpre referencia]}

Tamén en 2014, varios temas da discografía de Roi Casal son seleccionados para formar parte das bandas sonoras das series da TVG “Caseiros” e “Pazo de Familia”.^{[Cómpre referencia]}

En 2016 publica Son galego Son cubano, froito do traballo conxunto durante case 2 anos con Xosé Neira Vilas. Estréase no Gran Teatro da Habana (Cuba) con 2 funcións o 27 e 28 de maio de 2016 para continuar coa xira en Galicia ate hoxe en día.

Ligazóns externas

• Páxina oficial
• SongalegoSoncubano.com
• Roi Casal en Alalá, TVG, 2011.

• Roi Casal no Facebook