Reiulf Madssen Strand

Reiulf Madssen Strand (1. januar 1821–21. november 1874) var ein norsk gardbrukar, trelasthandlar og stortingsmann frå Sigdal i Buskerud. Asle Madssen Strand var ein yngre bror.

Far hans var gardbrukar i Sigdal. Sjølv kjøpte han seg gard i Haugsbygda i Norderhov og dreiv denne til han døydde. Attåt gardsdrifta dreiv han og handla med trelast. Han var ei tid medlem av heradsstyret, og var elles medlem av matrikkelkommisjonen for Buskerud fogderi. Elles var han medlem av forlikskommisjonen og sparebankdirektør 1855-64.

Strand var 1. representant for Buskeruds amt på Stortinget 1871-73, medlem av militærkomiteen. Både til det føregåande stortinget, og det nestkomande, var han andre varamann.

• Lindstøl, Tallak: Stortinget og Statsraadet 1814-1914. Kristiania, 1914