Ramón González Fernández
Quick Facts
Biography
Ramón González Fernández, nado en Ribadeo o 22 de abril de 1856 e finado no Porriño o 15 de decembro de 1925, foi un filántropo e empresario galego.
Traxectoria
Estudou Náutica e Comercio en Ribadeo. En 1871 emigrou á Arxentina. Instalouse en Rosario traballando primeiro como empregado na casa comercial Correa, Gana e Compañía, despois como socio na empresa Mendeto e Compañía, e máis tarde sucesor na Ramón González e Cía, retirándose en 1896 logo de amasar unha fortuna. Retornou a Ribadeo en 1899. Promoveu a apertura de sucursais do Banco Español del Río de la Plata en Vigo e Santiago de Compostela.
Dende a súa chegada dedicouse a facer numerosas doazóns ós concellos de Mos, O Porriño e Ribadeo. En Ribadeo foi membro da Sociedade Obreira de Socorros Mutuos A Concordia, da que foi presidente en 1910. Membro do Ateneo Biblioteca Popular, contribuíu ao seu desenvolvemento subvencionando clases de distintas materias e instrumentos musicais. Adxudicou bolsas a alumnos da vila para realizar os seus estudos. Subvencionou tamén a construción do Teatro, da Praza de Abastos e doou diñeiro para as Festas Patronais de 1925. Tamén contribuiu á construción da casa do concello do Porriño deseñada polo arquitecto Antonio Palacios e o templo parroquial.
Foi deputado provincial de Pontevedra en 1925.
Recoñecementos
Foi nomeado Fillo Predilecto de Ribadeo en 1922. Foi condecorado coa Gran Cruz da Orde de beneficencia e coa Real Orde de Sabela a Católica.
Vida persoal
Casou no Porriño con Corona González Santos en 1900.