Quantcast
peoplepill id: rafael-castellano
RC
1 views today
1 views this week
Rafael Castellano
The basics

Quick Facts

Is Writer Journalist
From Spain
Type Journalism Literature
Gender male
Birth 1943, Madrid, Spain
Age 78 years
Peoplepill ID rafael-castellano
The details

Biography

Rafael Castellano de la Puente (Madril, 1943) euskal idazle eta kazetaria da. Gazte garaian Euskal Herria ezagutu zuen, eta 1970eko hamarkadan hona etorri zen bizitzera. Ordurako Madrilen agertzen zen La Codorniz aldizkari satirikoaren kolaboratzailea zen. Euskal Herrian euskara ikasi zuen, eta hedabide ugaritan kolaboratu. Literatura-alorrean nobela eta saiakera argitaratu ditu, komikiekin batera.

Biografia

Madrilgo Chamberí auzoan jaioa, ikasketak Lycée Françaisen egin zituen eta ondoren, 1961tik 1964ra, RESADen (Real Escuela Superior de Arte Dramático). Ordurako Euskal Herria ezagutzen zuen ezen uda askotan bere familiarekin Debara etorria baitzen. Zortzi urtez aktore moduan konpainia desberdinetan, bereziki Eslava konpainian, aritu zen. Urte horietan Arthur Miller, Bertolt Brecht eta Antonio Buero Vallejoren antzezlanetan lan egin zuen. La Codorniz aldizkarian 1961ean hasi zen, bere aitaren urratsak jarraituz (izen bereko idazlea izan zen). Aldizkari horretan "Rafael Castleman" izengoitiarekin 700 ipuin argitaratu zituen, guztiak "Tiemble después de haber reído" izenburupean. Ipuin horiek izenburu berarekin argitaratu zituen (1975ean). Ordurako literatura zen haren pasio nagusia. La Codornizen ere beste izengoiti batzuk erabili zituen: "Falete", "F. Finest", "Faletenko", etab. Urte horietan Deba (Gipuzkoa) aukeratu zuen bizileku moduan. "Mi vasquismos es conductual y subjetivo -idatzi zuen erabaki horretaz-. Y por lo tanto cosa privada". Kostaldeko herria udan ezagutu zuen eta bertan erabaki zuen gelditzea. Erabaki horrek arazoak ekarri zizkion eta, ondorioz, Madrilen euskal nazionalismoaren alorrean kokatu zaio. Hala ere, Rafa Castellanok ideologikoki bere burua "anakista eta libertario" bezala dfinitu du, "artista sortzaile gehienak bezala". Une horretatik aurrera bere kolaborazioak ohikoak bihurtu ziren Euskal Herriko prentsan: La Voz de España, El Diario Vasco, Punto y Hora de Euskal Herria, Berriak... eta bereziki Egin, non urte askotan komentario ironikoak idatzi zituen; komentario horiek zutabe finko batean argitaratzen ziren, "Alajainkoa!" izenburupean. 1978an Hordago argitaletxean lehenengo nobela argitaratu zuen: La Viuda. Ordurako Euskal Herriari buruzko saiakera desberdinak argitaratuak zituen. Aldi berean, ekimen desberdinetan hartu zuen parte, besteak beste, Kurpil eta Euskadi Sioux aldizkarien sorreran. Bere beste lan garrantzitsua Gabai. Historia de nuestro pueblo bildumaren gidoilari bezala izan da; Lur argitaletxeak kaleratutako bilduma horretan Euskal Herriaren historia jaso zen komikien bidez. 1995an La cocina romántica. Una interpretación del XIX a través de la gastronomía liburu ezaguna argitaratu zuen. Madrileko prentsan ere ezaguna izan da bere sinadura, bereziki El País eta Interviú aldizkarian. Gaur egun Deba herrian jarraitzen du.

Estiloa

Rafa Castellanoren estiloa ez da erraza. Itxuraz zuzena den estiloa zirrikituz eta tranpaz beteta dago: hitz jokoak, bigarren zentzuak, erreferentziak... Oso idazkera landua du Castellanok; nahiz eta gai arruntak azaldu bere estiloa beti aberatsa da erabat. Halaber, berritzailetzat ere har daiteke: bereziki bere nobelak ez daude era konbentzionalean idatzita, idazleak gauzak esateko modu berriekin esperimentatu nahiko lukeen bezala. Modu batez edo bestez, bestetik, irakurleari probokatu egin nahi dio, indiferentziatik atera. Umorea eta ironia landu du askotan.

Bibliografia

Zinema gidoiak

  • Mar adentro (1985).
  • Bandera negra (1986).
  • Eskorpion (1988).
  • Los vascos y el mar (1988).

Saiakerak

  • Cosas. Anecdotario de Euskalherria. Donostia: Basandere, 1976.
  • Vascos heréticos (Ensayos y enredos de la Cabala vasca). Hemen, 1977.
  • Erotismo vasco. Donostia: Haramburu, 1977.
  • Sutondoan. Sombras y quimeras de Eusko Lur. Donostia: CAP, 1980.
  • Misterio de Vizcaya. Sigfrido Koch argazkilariarekin batera. Bilbo: IBC, 1981.
  • Guía de Madrid para vascos. Madril: Ediciones Libertarias-Prodhufi, 1987.
  • Los vascos también ríen. El gag en la tradición oral. Donostia: Orain, 1996.
  • Euskaldun heretikoak, magia eta sorginak. Gaiak, 2007.

Nobelak

  • La Viuda. Donostia: Hordago, 1978.
  • Los anafroditas. Donostia: Ttarttalo, 1985.

Nobelak argitaratugabeak

  • Anticristo Superstar.
  • La Comedia Inhumana.

Narrazioak

  • Tiemble después de haber reído. Bartzelona: Marte, 1975.

Komikiak

Gidoilari:

  • Gabai. Gure herriaren historia. Zortzi liburuki.

Erreferentziak

Kanpo loturak

The contents of this page are sourced from Wikipedia article on 24 Jun 2020. The contents are available under the CC BY-SA 4.0 license.
comments so far.
Comments
Reference sources
References
http://www.blogger.com/profile/01675458149845171847
http://www.imdb.com/name/nm0144707
http://maverickpress.blogspot.com/
http://www.euskomedia.org/aunamendi/26675
http://www.gaur8.info/edukiak/20070414/12930/Rafa-Castellano
//www.worldcat.org/identities/containsVIAFID/93586061
https://viaf.org/viaf/93586061
https://isni.oclc.org/xslt/DB=1.2//CMD?ACT=SRCH&IKT=8006&TRM=ISN:0000%200000%206640%205693
http://datos.bne.es/resource/XX5372017
https://id.loc.gov/authorities/n80070799
http://aunamendi.eusko-ikaskuntza.eus/artikuluak/artikulua.php?id=eu&ar=26675
arrow-left arrow-right instagram whatsapp myspace quora soundcloud spotify tumblr vk website youtube pandora tunein iheart itunes