Quantcast
peoplepill id: popov-aleksej-vjacheslavovich
���
1 views today
1 views this week
Попов Алексей Вячеславович
прозаик, драматург

Попов Алексей Вячеславович

Попов Алексей Вячеславович
The basics

Quick Facts

Intro прозаик, драматург
A.K.A. Попов, Алексей Вячеславович
Is Editor Writer Contributing editor
From Russia
Field Journalism Literature
Gender male
Birth 25 July 1950
Age 71 years
The details (from wikipedia)

Biography

Шаблон:Серпасыс абу

Попов Алексей Вячеславович (1950) — коми гижысь, прозаик, драматург, Россияса Журналист да Гижысь котыръясӧ пырысь, Россияса культураын да Коми Республикаын нимӧдана уджалысь, Коми Республикаса нимйӧза гижысь (2014).

Олан туй

Алексей Попов чужӧма 1950 вося сора тӧлысь 25 лун Коми АССР-ын (öнi — Республика Коми) Кӧрткерӧс районса Ыджыдвидз сиктын. Шойнатыса шӧр школа помалӧм бӧрын уджалӧма «Вишерский» совхозын. 19691971 воясӧ служитӧма Сӧветскӧй армияын — Амур обласьтса воздушно-штурмӧвӧй бригадаын (десант войскаясын).

1971 вося сора тӧлысьсянь уджалӧма Коми АССР-са СМИ-ын: «Звезда» да «Вперёд» районса газетъясын, республикаса телевидениеын да радиоын, «Коми му» да «Йӧлӧга» газетъясын, «Чушканзі» да «Войвыв кодзув» журналъясын.

1980 воын помалӧма Сыктывкарса канму университетысь история факультет уджысь орӧдчытӧг.

2003 восянь веськӧдлӧ челядьлы лӧсьӧдӧм «Би кинь» журналын.

Гижан удж

Ӧльӧш Попов «Армияӧ ветлан арлыд» медводдза висьтсӧ гижӧма Амур обласьтын армияын служитігӧн. Гиҗӧдсӧ вӧлі йӧзӧдӧма 1971 воын «Войвыв кодзув» журналса нёльӧд номерын.

Йӧзӧдӧма дас сайӧ небӧг да 30 сайӧ пьеса. Гижӧдъяссӧ йӧзӧдӧма республикаса да россияса уна журналын да ӧтувъя чукӧръясын: «Север» да «Сельская молодежь» журналъясын, «Литературная Россия» еженедельникын, периодикаын. 1991 воын сылӧн петӧма медводдза «Олӧм олысьяс» небӧг, кытчӧ пыртӧма висьтъяс да повесьтъяс.

1990-ӧд воясӧ гижысь шыӧдчӧма драматургияӧ. Сылӧн «Мыйсяма йӧз», «Ойя да ойя», «Сур лагун», «Йиркап», «Гӧтрась, пиӧ, гӧтрась» «Чудь мыльк» да мукӧд пьесаяс серти спектакльяс мунӧны В.А. Савин нима драма театрын (пуктылӧмаӧсь 9 пьеса), Коми республикаса вужвойтырлӧн шылада-драма театрын, Россияса театръясын, а сідзжӧ Болгарияын да Францияын.

Став драмаа гижӧдъяссӧ йӧзӧдӧма «Мывкыд парма» небӧгӧ (2011), кытчӧ пыртӧма 23 пьеса, на лыдын нёльыс — челядьлы спектакльяс вылӧ.

Художествоа гижӧдъяссӧ вуджӧдӧма роч, мордва, удмурт, мари, перым коми, башкир, калмык, тотара, чуваш, хакас кывъяс вылӧ, а сідзжӧ фин, француз, болгар, эст да маддяр кывъяс вылӧ.

Роч вылӧ вуджӧдӧмӧн висьтъясын петавлӧмаӧсь Германияын да США-ын. Алексей Попов ачыс сідзжӧ вуджӧдалӧ: комиӧдӧ роч да фин-йӧгра гижысьясӧс.

Гусянимъяс: Висер Ӧль, Камай Олеш.

1976 восянь пырӧ Россияса журналист котырӧ, 1994 восянь — Россияса гижысь котырӧ.

2014 вося одан-кора тӧлысьын Коми Республикаса Юралысь сетӧма сылы культура юкӧнын ыджыд уджысь Коми Республикаса нимйӧза гижысь почёт ним.

«Когда-нибудь встретимся» пьесаыс пырӧма вӧлі «Творим мир своими руками» конкурслӧн шорт-листӧ. Конкурс мунӧма «Гражданин мира» войтыркостса проект дырйи, пьесаыс пасйӧма «Аршином общим не измерить» нимпасын дипломӧн (2015).

Коми гижысьяслӧн съездъяс дырйи Алексей Поповӧс куимысь бӧрйылӧмаӧсь Коми Республикаса гижысь котыр правленньӧӧ пырысьӧн.

Небӧгъяс

Комиӧн

Роч кыв вылӧ вуджӧдӧмӧн

  • Когда-нибудь встретимся...: пьесы / Пер. с коми яз. Л. Т. Чупровой. — Кӧрткерӧс, 1998. — 99 с.
  • Заколдованная тропа: драма в двух действиях / [авториз. пер. с коми яз. Вл. Дьяченко], — [б. м.], 1995. — 56 л.
  • Сур лагун: сьыланкывъяса да йӧктӧмъяса кык юкӧна теш. — Сыктывкар, 1995. — 33 л.б.
  • Что за люди: Пьесы / Пер. с коми яз. Л. Т. Чупровой; Ред. А. В. Ульянов; худ. Е. П. Григорьян. — Сыктывкар: Изд-во «Эском», 2010. — 448 с. (980 экз.)

Вуджӧдӧмъяс

Наградаяс да премияяс

Премияяс

  • Коми Республикаса канму премия босьтысь драматургия да театрса искусство юкӧнын (2000)
  • Коми Республикаса Веськӧдлан Котырлысь премия босьтысь драматургия юкӧнын (2008)
  • Коми Республикаса Веськӧдлан Котырлысь премия босьтысь челядьлы сценическӧй искусство да драматургия юкӧнын (2014)
  • Эстонияса рӧдвуж войтыр уджтаслӧн премия «драма гижӧдъяс» нимпасын «Мывкыд парма» небӧгысь 2014

Почёт нимъяс да медальяс

Ӧшмӧсъяс

Ыстӧдъяс

  1. Быковская С. Алексею Попову присвоено звание «Народного писателя Коми» // «Комиинформ» юӧр сетан агентство (2014.05.23; рочӧн)
  2. Вячеслав Гайзер вручил государственные награды // БНКоми сайт (рочӧн; 2012.06.09
The contents of this page are sourced from Wikipedia article on 06 Jul 2019. The contents are available under the CC BY-SA 4.0 license.
comments so far.
Comments
From our partners
Sponsored
Reference sources
References
http://www.komiinform.ru/news/112672/
http://www.bnkomi.ru/data/news/13755/
http://www.nbrkomi.ru/page/1880
http://mayatul.ru/library/23-popov-aleksey-vyacheslavovich
Sections Попов Алексей Вячеславович

arrow-left arrow-right instagram whatsapp myspace quora soundcloud spotify tumblr vk website youtube pandora tunein iheart itunes