Per Paust

Per Olav Paust (1. desember 1943–6. mai 1999) var ein norsk diplomat.

Han var utdanna magister i statsvitskap (mag.art.) og arbeidde først i Norad. I 1974 byrja han i utanrikstenesta.

Han var pressetalsmann i Utanriksdepartementet frå november 1984 til februar 1988, då han blei utnemnd til ambassaderåd ved ambassaden i Washington, D.C. Han var stasjonert i Washington i to omgangar. Paust var òg stasjonert i Jakarta i tre år. I 1998 var han fungerande generalkonsul i New York.

I tida før Vinter-OL 1994 på Lillehammer leidde han eit prosjekt for profilering av Noreg i utlandet i samarbeid med NORTRA og Norges Eksportråd.

Paust døydde av kreft i 1999. Han var gift med Anne Orderud Paust, som var personleg sekretær for forsvarsministeren. Ho vart drepen drygt to veker etter at mannen døydde, i det som vart kjent som Orderud-saka.

1. ↑ Ektepar med toppkarriere - VG 23. mai 1999