Pál Szlemenics

Pál Szlemenics [slemeniĉ], laŭ hungarlingve kutima sinsekvo Szlemenics Pál estis hungara juristo, advokato, profesoro, ordinara membro de Hungara Scienca Akademio (1830).

Pál Szlemenics [1] naskiĝis la 22-an de januaro 1783 en Kecskemét. Li mortis la 6-an de decembro 1856 en Hungara reĝlando en Pozsony (nuntempa Bratislavo en Slovakio).

Pál Szlemenics frekventis mezlernejojn en sia naskiĝurbo kaj Pest (urbo), poste li lernis filozofion kaj teologion en Vác, juron en urbo Pest, kie li ricevis diplomon en 1804. Komence li estis ĉefamilia instruisto, poste en 1809 li ekinstruis en akademio de Pozsony [poĵonj]. En la sekva jaro li advokatiĝis. En 1838 li ricevis nobelecon.

• Ratio jurisprudentiae hungaricae… (1817)
• Elementa Juris hung. civilis privati (1829)
• Fenyítő törvényszéki magyar törvény (1847)
• Törvényeink története a dicső ausztriai ház országlása alatt (Historio de niaj leĝoj dum dominado de la glora Habsburga dinastio), (1866)

• hungarlingva biografio (la teksto estas legebla maldekstre post klako al litero SZ kaj serĉante ĝin el la aboco-listo)
• hungarlingva biografio (la teksto estas legebla maldekstre post klako al litero SZ kaj serĉante ĝin el la aboco-listo)
• hungarlingva biografio