Øystein Vidnes
Quick Facts
Biography
Øystein Vidnes (fødd 18. august 1976 i Fiskå i Vanylven) er ein norsk forfattar, formgjevar og omsetjar. Han er busett i Leikanger.
Vidnes fullførte vidaregåande skule i Volda i 1995, og vart våren 1999 cand.mag. ved Universitetet i Bergen med mellomfag i medievitskap og allmenn litteraturvitskap. Han gjekk ved Skrivekunstakademiet i Hordaland i året etter. Vidnes har skrive to bøker til no, Bondeforteljingar frå 2002 og Ekstasar frå 2006, og har i 2009 omsett ein del dikt av Fernando Pessoa og romanen Veslebror ser deg av Cory Doctorow. Mellom 2005 og 2013 har han vore formgjevar i tidsskriftet Vagant og bokmeldar i Morgenbladet. Han lagar bokomslag og bøker for forlag i Noreg og Danmark.
Bøkene hans er humoristiske og eksperimentelle, og til tider nesten surrealistiske. Bondeforteljingar inneheld moderne og ironiske versjonar av tradisjonelle bondeforteljingar, og han parodierer også stereotypiar av bønder. I Ekstasar møter lesaren ein ein mentalt ustabil ordførar som brått vert anarkist.
Vidnes fekk i 2010 Kulturdepartementet sin pris for beste omsetjing for boka Veslebror ser deg. Vidnes har vunne fleire prisar i kåringa Årets vakreste bøker. I 2015 fekk han tildelt gull for utforminga og illustrasjon av romanen MS Liv av Rolf Sagen.
Bibliografi
Bøker
- 2002 – Bondeforteljingar(Oslo: Samlaget) . ISBN 82-521-6115-4
- 2006 – Ekstasar : roman(Oslo: Samlaget) . ISBN 82-521-6867-1
- 2009 – Globaliseringsboka(Oslo: Samlaget) . ISBN 978-82-521-7347-5 [Av: Teresa Grøtan ; illustrasjonar: Øystein Vidnes]
Gjendiktingar - eit utval
- 2009 – 2 dikt om modernitet(Oslo: Flamme) . ISBN 978-82-02-29139-6 [Av: Alvaro de Campos og Fernando Pessoa ; gjendikta av Øystein Vidnes]
- 2012 – Alberto Caeiros poesi(Oslo: Flamme) . ISBN 978-82-02-36809-8 [Av: Fernando Pessoa ; gjendikta av Øystein Vidnes]
Omsetjingar - eit utval
- 2009 – Veslebror ser deg : roman(Oslo: Samlaget) . ISBN 978-82-521-7331-4 [Av: Cory Doctorow ; omsett frå engelsk av Øystein Vidnes]
- 2013 – Jenta(Oslo: Skald) . ISBN 978-82-7959-189-4 [Forfattar: Angelika Klüssendorf. Originaltittel: Das Mädchen. Frå tysk ved Øystein Vidnes]
- 2016 – Frankenstein eller den moderne Prometevs(Leikanger: Skald) . ISBN 978-82-7959-249-5 [Av: Mary Shelley ; omsett frå engelsk av Øystein Vidnes]
- 2017 – Tre kvinner : noveller(Leikanger: Skald) . ISBN 978-82-7959-256-3 [Forfattar: Robert Musil. Originaltittel: Drei Frauen. Frå tysk ved Øystein Vidnes]
I bøker - eit utval
- 2016 – Fantasiboka : nynorske forteljingar(Leikanger: Skald) . ISBN 978-82-7959-239-6 [Av innhaldet: Dei beinlause / Øystein Vidnes]
Kjelder
- «Øystein Vidnes» i Allkunne, innhenta 28. juli 2010.
- Skald forlag