Quick Facts
Biography
Dr Obadiah da Bertinoro (Rabbi Obadiah vo Bertinori, Obadja ben Abraham da Bertinoro; * öbbe 1465 z Bertinoro (Forlì); † öbbe 1515 z Jerusalem) isch en in italiänische Talmudist gsi.
Lääbe und Wärk
Dr Rabbi Obadiah isch z Bertinoro Rabbiner gsi. 1486 het er über Egüpte Alija gmacht und het sich 1488 z Jerusalem niidergloo. Er het e Kommentar zur Mischna (us Raschi und Maimonides) verfasst, wo in fast alle Mischna-Usgoobe abdruckt isch.
Uf em Wääg in s Globte Land het er Bricht über d Verfassig vo de Juude verfasst, wo in iirer Objektiwidäät von ere groosse historische Bedütig für d Forscher vom östlige Juudedum si. Er beschribt, wie under de Mameluke die jüüdische Gmäinde verarmt si und immer mee vo iire Mitgliider dr Glaube vo iire Väter verloo häi. Er het au über d Karäer z Alexandria gschriibe undsä globt für Tugende, wo d Rabbinite iine vilmol abgsproche häi, und über d Samaritaner z Egüpte.
Dr Obadiah het d Jerusalemer Gmäind, wo d Gmäindieltere korrupt gsi si, nöi organisiert. Für d Flüchtling, wo 1492 us Spanie gflüchdet si, e Jeschiva ufdoo.
Weblingg
- Louis Ginzberg: «Bertinoro, Obadiah (Yareh) b. Abraham». In: Isidore Singer (Hrsg.): Jewish Encyclopedia. Funk and Wagnalls, Nöi York 1901–1906 (änglisch).
| Dä Artikel basiert uff ere fräie Übersetzigvum Artikel „Obadiah_ben_Abraham_Bartenura“ vu de änglische Wikipedia. E Liste vu de Autore un Versione isch do z finde. |