Nver Mkhitaryan

Նվեր Մնացականի Մխիթարյան (1960, հունիսի 16, Երևան), հայ ճարտարագետ, շինարար, տեխնոլոգ, բարերար, ձեռնարկատեր, քաղաքական գործիչ։

1982 թվականին ավարտել է Երևանի պոլիտեխնիկական ինստիտուտի ճարտարապետաշինական ֆակուլտետը, 1993—1997 թվականներին սովորել է Կիևի ճարտարաշինական ինստիտուտում: 1988-1990 թվականներին դասախոսել է Հայաստանի Պետական Ճարտարագիտական Համալսարանում: Հայ բանաստեղծ, արձակագիր Մնացական Թարյանի որդին է, բանաստեղծուհի, լրագրող Անահիտ Թարյանի եղբայրը։

Աշխատանքները վերաբերում են բետոնների արևաջերմամշակման տեսությանը, ցեմենտների կառուցվածքագոյացման ջերմակինետիկական օրինաչափություններին, փաթեթներում բարակապատ շինվածքների արևաջերմամշակման տեխնոլագիային, շինարարական արտադրությանը, էներգախնայողությանը և ոչ ավանդական էներգետիկային։

Տեխնիկական գիտությունների դոկտոր (1996), պրոֆեսոր` (2001), Ուկրաինայի Գիտությունների Ազգային Ակադեմիայի ակադեմիկոս: Հեղինակ է ավելի քան 200 գիտական աշխատությունների, 12 շինարարական մենագրությունների, շինարարության բնագավառի 10 արտոնագրերի։ Նվեր Մխիթարյանի անունը ներառված է «Who is who» համաշխարհային դահլիճում (միջազգային բիոգրաֆիկ կենտրոն, Քեմբրիջ) այն միավորում է «այսօրվա 500 հայտնի անձանց»:

Հանդիսանում է՝

• Միջազգային Բիոգրաֆիկ Կենտրոնի գլխավոր տնօրեն (Քեմբրիջ, Անգլիա)

• Ամերիկյան Բիոգրաֆիկ Կենտրոնի (ԱՄՆ) հետազոտական ​​ասոցիացիայի փոխնախագահ

• Ուկրաինայի ԳԱԱ վերականգնվող էներգիայի ինստիտուտի հիմնադիր-տնօրեն

• «Институт строительства и жилищно-коммунального хозяйства ГАСИС» համալսարանի հիմնադիր-սեփականատեր
• Ուկրաինայի այլընտրանքային էներգիայի ձեռնարկությունների ասոցիացիայի փոխնախագահ
• Ուկրաինայի Գիտությունների Ազգային Ակադեմիայի թղթակից անդամ (2003)
• Ռուսաստանի միջազգային ճարտարագիտական ակադեմիայի փոխնախագահ (2003)
• Հայաստանի Գիտությունների Ազգային Ակադեմիայի արտասահմանյան անդամ (2004)
• Ուկրաինայի Գիտությունների Ազգային Ակադեմիայի ակադեմիկոս:

• Ուկրաինայի ճարտարագիտական գիտությունների ակադեմիայի անդամ
• Միջազգային ճարտարագիտական ակադեմիայի անդամ
• Ուկրաինայի շինարարության ակադեմիայի անդամ
• Ամերիկյան քաղաքացիական ճարտարագետների միության անդամ (1998)
• Ռուսաստանի միջազգային ճարտարագիտական ակադեմիայի անդամ (1999)
• Էներգետիկայի ինժեներների միջազգային ասոցիացիայի Հայաստանյան բաժնի անդամ
• «Համաշխարհային Հայկական Կոնգրես» միջազգային կազմակերպության նախագահության անդամ:

• 2000-2005 թվականներին՝ Ուկրաինայի հայերի միության նախագահ

• 2002 թվականից՝ Ուկրաինայում Կոլումբիայի պատվավոր դեսպան

• 2002-2006 թվականներին՝ Ուկրաինայի ժողովրդական պատգամավոր` «За единую Украину!» կուսակցությունից
• 2002-2006 թվականներին՝ խորհրդարանական հանձնաժողովի (Գերագույն Ռադա) մարդու իրավունքների, ազգային փոքրամասնությունների և միջազգային հարաբերությունների փոխնախագահ

• 2007-2012 թվականներին՝ Ուկրաինայի ժողովրդական պատգամավոր` «Партии регионов» կուսակցությունից
• Արաբական Միացյալ Էմիրությունների հետ միջխորհրդարանական հարաբերությունների փոխնախագահ այնուհետև նախագահ
• Մալթայի Հանրապետության հետ միջխորհրդարանական հարաբերությունների խմբի անդամ
• Ռուսաստանի Դաշնության հետ միջխորհրդարանական հարաբերությունների խմբի անդամ
• 2012 թվականի դեկտեմբերին դարձել է Գերագույն Ռադայի (խորհրդարանի) շինարարության, քաղաքաշինության, բնակարանային և կոմունալ տնտեսությունների և տարածաշրջանային քաղաքականության կոմիտեի անդամ

• 2012-2014 թվականներին՝ Ուկրաինայի ժողովրդական պատգամավոր՝ «Партии регионов» կուսակցությունից
• 2014 թվականի փետրվարի 22-ին լքել է «Партии регионов» խորհրդարանական խմբակցությունը:

• «Սուրբ Իշխան Վլադիմիր» I աստիճանի ոսկե շքանշան (1999)
• Ուկրաինայի վաստակավոր շինարար (25 փետրվարի 1999)
• Ռուսաստանի Դաշնության վաստակավոր ինժեներ (2000)
• Ուկրաինայի Նախարարների խորհրդի պատվոգիր (06 սեպտեմբեր 1999)
• Գերագույն Ռադայի պատվոգիր (2003)
• Հայ առաքելական եկեղեցու «Սուրբ Գրիգոր Լուսավորիչ» ոսկե շքանշան (2003)
• Ուկրաինայի պետական մրցանակ (2003)` գիտության և տեխնոլոգիայի բնագավառում
• «Դանիլո I» III աստիճանի շքաշան (2005)
• Ուկրաինական «Ծառայությունների համար» III (2000), II (2002) և I (2004) աստիճանների շքանշաններ
• Մեծ Բրիտանիայի թագուհի Ելիզավետա II-ի կողմից՝ Շոտլանդիայի բարոնի տիտղոս (2005)
• «Daniel of Galicia» շքանշան (16 հունիսի 2010)
• «Yaroslav the Wise» V-րդ աստիճանի շքանշան (27 հունիսի 2013)

Սկսած 2011-2012 թվակններից՝ Նվեր Մխիթարյանը և իր ընտանիքը չեն ներկայացրել հայտարարագրեր անձնական ունեցվածի մասին, իսկ 2014 թվականին պատգամավորության մանդատը վայր դնելուց հետո պաշտոնապես արգելք է դրվել պետական կառույցներին վերլուծելու Ն. Մխիթարյանի և ընտանիքի անձնական ունեցվածքը։

Շինարարության ոլորտ

Նվեր Մխիթարյանի գործունեությունը սկսվել է 1990 ական թվականներից շինարարության ոլորտում։

1996 թվականին հիմնադրել է «ПознякиЖилБуд» շինարարական ընկերությունը որը զբաղվում է բնակելի համալիրների կառուցապատմամբ։ Ընկերությունը սկսել է կառուցել բնակելի շենքեր` Կիևում և Դոնեցկում, այնուհետև 2001 թվականից ընդլայնվելով հասել Արաբական Միացյալ Էմիրություններ, Ռուսաստանի Դաշնություն, խոշոր բնակելի համալիրներ կառուցելով մասնավորապես՝ Մոսկվայում, Սուրգուտում, Տյումենում և այլ քաղաքներում։

Հյուրանոցային բիզնես

Արաբական Միացյալ Էմիրություններում 2001 թվականից կառուցում է շենքեր և իրականացնում շինարարական նախագծեր։ 2006 թվականին ԱՄԷ-ում հիմնադրել է «EPG Hotels & Resorts» կազմակերպությունը, որը կառուցում է լյուքս դասի հյուրանոցային համալիրներ Դուբայում։ Ն․ Մխիթարյանին է պատկանում Դուբայի «Kempinski Hotels» ընկերությունը, հանդիսանում է 4 հյուրանոցային համալիրների հիմնադիր-սեփականատերը (100% բաժնետոմսերով), որոնցից 3-ը սպասարկում է «Kempinski Hotels»-ը։ (ավելին «ԿԵՄՊԻՆՍԿԻ» հյուրանոցների մասին)

Գործունեությունը ֆինանսական ոլորտում

1. 2003 թվականին գնել է «Аsрrа Finanz Нoldіпg АG»Շվեյցարական ֆինանսական կազմակերպությունը։
2. Նվեր Մխիթարյանին է պատկանում «УКРАЇНСЬКИЙ БУДІВЕЛЬНО-ІНВЕСТИЦІЙНИЙ БАНК» (անգլ.՝ UKRAINIAN CONSTRUCTION INVESTMENT BANK):

Բանկը գործում է 2004 թվականից և մասնագիտացված է շինարարության ոլորտում։ 2015-2016 թվականներին բանկը բացել է նոր մասնաճյուղեր Ուկրաինայի մարզերում։

Արժանացել է՝

• «Bank of the Year 2017»
• 2017թ.-ին՝ «The Most Dynamically Growing Bank»

• Ըստ «Financial Club» ի վարկանշի 2018թ.-ինհայտնվել է Ուկրաինայի 50 առաջատար բանկերի ցանկում։

Բանկի բաժնետոմսերի 52%-ը գտնվում է Ն․ Մխիթարյանի անմիջական, իսկ 48%-ը ոչ անմիջական հսկողության տակ (52% Նվեր Մխիթարյան,

32% «Aspra Finanz Holding AG» ընկերություն, 16% «ПознякиЖилБуд» շինարարական ընկերություն )։

Գործունեությունը հանքարդյունաբերության ոլորտում

Հարավաֆրիկյան Հանրապետությունում (ՀԱՀ) զբաղվմ է հանքարդյունաբերությամբ, մասնավորապես ոսկու և թանկարժեք քարերի արտադրության, մշակման և արտահանության ոլորտում։

Ավիաոլորտ

2007 թվականին հիմնել է «АВІАІНВЕСТ ГРУП» կազմակերպությունը, որը զբաղվում է՝

• Օդային տրանսպորտային միջոցների վարձակալություն և լիզինգ
• Ուղևորների համար նախատեսված օդային փոխադրամիջոցներ
• Բեռների օդային տրանսպորտ
• Օդանավերի վերանորոգում և սպասարկում
• Մեխանիզմների և սարքավորումների մեծածախ վաճառք
• Նավերի և օդանավերի վաճառք։

Այլ ոլորտներ

Նվեր Մխիթարյանը սկսած 1994 թվականից Ուկրաինայում հիմադրել է 3 տասնյակից ավել կազմակերպություններ, որոնք գործունեություն են ծավալել մեծամասամբ շինարարության, ցեմենտի բետոնի (և այլ նյութերի) արտադրության, շենք շինությունների սպասարկան և կառավարման, դիզայնի, ոլորտներում նաև առողջապահության, ապահովագրության և այլ ոլորտներում։

• Հայր` Մնացական Թարյան
• Մայր՝ Ժենյա Մխիթարյան
• Քույր՝ Անահիտ Թարյան
• Քույր՝ Գոհար Մխիթարյան
• Եղբայր՝ Արմեն Մխիթարյան
• Առաջին կին՝ Ռուզանա Ղահրամանյան
• Դուստր՝ Աստղիկ (Ասյա) Մխիթարյան
• Որդին՝ Արթուր Մխիթարյան
• Երկրորդ կին՝ Ելենա Ստոգնի
• Որդին՝ Նվեր Մխիթարյան
• Որդին՝ Տիգրան Մխիթարյան

• Երկաթբետոնե շինվածքների հելիոջերմամշակման տեխնոլոգիայի հիմունքները, Կիև, 1996։
• Гелиотермообработка тонкостенных железобетонных конструкций в пакетахм Киев, 1994.
• Физикохимические основы гелиотехнологии шелочных детонов, Киев, 1997 (համահեղինակ).
• Энергетика нетрадиционных и возобновляемых источников։ опыт и перспективы, Киев, 1999.
• Энеросберегающие технологии в жилищном и гражданском строительстве, Киев, 2000.
• Основы технологии возведения монолитных железобетонных высотных жилых домов, Киев, 2001 (համահեղինակ).
• Гелиоэнергетика։ системы, технология, применение, Киев, 2002.
• Эргономические аспекты сложных систем, Киев, 2004 (համահեղինակ).
• Человек и комфорт, Киев, 2005.
• ՄԱՐԴԸ ԵՎ ԿԱՑԱՐԱՆԸ, 2013 (գիրքը հասանելի է չորս լեզուներով՝ անգլերեն, հայերեն, ռուսերեն, ուկրաիներեն)