Nrusingha Tripathy
Quick Facts
Biography
ନୃସିଂହ ତ୍ରିପାଠୀ (ଜନ୍ମ: ୧୯୪୫) ଜଣେ ଓଡ଼ିଆ ଓଡ଼ିଆ କବି, କ୍ଷୁଦ୍ରଗଳ୍ପ ଲେଖକ, ସମ୍ପାଦକ, ଅନୁବାଦକ ଓ ସମାଜସେବୀ । ସେ ୨୦୦୨ ମସିହାରେ ତାଙ୍କର ଅନୁବାଦ ପାଇଁ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ସମ୍ମାନରେ ସମ୍ମାନିତ ହୋଇଥିଲେ । ତାଙ୍କ ରଚିତ କ୍ଷୁଦ୍ରଗଳ୍ପର ୪ଟି ସଂକଳନ ପ୍ରକାଶ ପାଇଥିଲା ।
ଜନ୍ମ, ଶିକ୍ଷା ଓ ପେଶା
ନୃସିଂହ ତ୍ରିପାଠୀ ୧୯୪୫ ମସିହାରେ ଜନ୍ମଗ୍ରହଣ କରିଥିଲେ । ସେ ଓଡ଼ିଶା ବାଣୀବିହାର ସ୍ଥିତ ଉତ୍କଳ ବିଶ୍ୱବିଦ୍ୟାଳୟ ଓ ଆହ୍ଲାବାଦ ବିଶ୍ୱବିଦ୍ୟାଳୟରେ ପାଠ ପଢ଼ିଥିଲେ ।
ନୃସିଂହ ୧୯୬୯ ମସିହାରେ ଭାରତୀୟ ରାଜସ୍ୱ ସେବାରେ ଯୋଗ ଦେଇଥିଲେ । ଏହାପୂର୍ବରୁ ସେ କେନ୍ଦ୍ରାପଡ଼ା ସ୍ୱୟଂଶାସିତ ମହାବିଦ୍ୟାଳୟର ଜଣେ ଅର୍ଥନୀତି ଅଧ୍ୟାପକ ଭାବରେ କାର୍ଯ୍ୟ କରୁଥିଲେ । ସେ ୨୦୦୪ ମସିହାରେ ଚାକିରୀରୁ ଅବସର ନେଇଥିଲେ । ଅବସର ନେବାବେଳକୁ ସେ ଆୟକର ବିଭାଗର ଜଣେ ପ୍ରମୁଖ କମିଶନର୍ ଭାବରେ କାର୍ଯ୍ୟ କରୁଥିଲେ । ୨୦୧୨ ମସିହାରେ ନୃସିଂହ କଲିକତା ବିଶ୍ୱବିଦ୍ୟାଳୟରୁ ତାଙ୍କର ପି.ଏଚ୍.ଡି. କରିଥିଲେ ।
ରଚନାବଳୀ
- ୧୯୯୮ - ଚାରୁଚନ୍ଦ୍ର ଲେଖା (ଅନୁବାଦ)
- ୧୯୯୨ - ପର୍ବ
- ୧୯୯୮ - ଶୂନ୍ୟ ରମଣ
- ୧୯୮୩ - ହେ ଇଶ୍ୱର ଉଠ
- ୧୯୮୯ - ନିଦ୍ରିତ ସନ୍ୟାସ
- ୨୦୦୫ - ସତ୍ସଙ୍ଗ ପଥ
- ମନୋନିବେଶ
- ପ୍ରଣୟ ପରମ ବେଦ
- ପୁନର୍ଭବା
- ଶବ୍ଦଯାତ୍ରା
- ଶୂନ୍ୟ ରମଣ
- ସ୍ୱପ୍ନ ସମାଧି
ପୁରସ୍କାର
ନୃସିଂହ ତ୍ରିପାଠୀଙ୍କୁ ୨୦୦୨ ମସିହାରେ ଅନୁବାଦ ପାଇଁ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ମିଳିଥିଲା । ଏଥିସହିତ ତାଙ୍କୁ ଝଙ୍କାର ପୁରସ୍କାର, ସାରଳା ପୁରସ୍କାର, ଇସ୍ତାହାର ପୁରସ୍କାର ଆଦି ମିଳିଥିଲା ।