Nikolay Grigoryan

Անվան այլ կիրառումների համար տես՝ Նիկոլայ Գրիգորյան

Նիկոլայ Վլադիմիրի Գրիգորյան (դեկտեմբերի 15, 1957(1957-12-15), Երևան, Հայկական ԽՍՀ, ԽՍՀՄ), հայ լրագրող, ՀՀ պետական գործիչ, Հայաստանի Հանրապետության Արտակարգ իրավիճակների նախարարության Հայաստանի փրկարար ծառայության տնօրենի տեղակալ, փրկարարական ծառայության գեներալ-մայոր:

• 1976 - 1981 թթ. սովորել է Երևանի պետական համալսարանի բանասիրական ֆակուլտետում։
• 1982 - 1989 թթ. աշխատել է Հայաստանի հեռուստատեսության և ռադիոյի պետական կոմիտեում որպես «Մարդը և օրենքը», «Մարտական պոստում», «Իրավաբանի ընդունարան», «Ճանապարհ, տրանսպորտ, հետիոտն» հաղորդաշարերի խմբագիր-մեկնաբան։
• 1990 - 1995 թթ. - ՀՀ Ներքին գործերի նախարարության լրատվական կենտրոնի հիմնադիր-ղեկավար, «02» հեռուստահաղորդաշարի հիմնադիր-մեկնաբան, «02» շաբաթաթերթի հիմնադիր-գլխավոր խմբագիր, միլիցիայի փոխգնդապետ:
• 1996 - 1997 թթ. - «Նորք» հեռուստաալիքի փոխտնօրեն, «Լուրեր» լրատվական ծրագրի հիմնադիր տնօրեն։
• 1997 - 2008 թթ. - ՀՀ կառավարությանն առընթեր արտակարգ իրավիճակների վարչության լրատվական բաժնի պետ, փրկարար ծառայության գնդապետ։
• 2002 - 2003 թթ. - «Կենտրոն» հեռուստատեսության «Էպիկենտրոն» լրատվական ծրագրի հիմնադիր-տնօրեն։
• 2008 թվականից դասավանդում է Երևանի պետական համալսարանում և Խաչատուր Աբովյանի անվան հայկական պետական մանկավարժական համալսարանում:
• 2010 - 2011 թթ. - ՀՀ Արտակարգ իրավիճակների նախարարության աշխատակազմի Հասարակայնության հետ կապերի վարչության պետ, Հյոգոյի գործողությունների ծրագրի ազգային համակարգող։
• 2011 թվականի օգոստոսին նշանակվել է ՀՀ ԱԻՆ Հայաստանի փրկարար ծառայության տնօրենի տեղակալ:
• 2015 թվականից՝ Սենդայի գործողությունների ծրագրի ազգային համակարգող:
• 2017 թվականի մայիսի 5-ին գեներալ-մայոր Նիկոլայ Գրիգորյանն իր դիմումի համաձայն ազատվել է ՀՀ ԱԻՆ Հայաստանի փրկարար ծառայության տնօրենի տեղակալի պաշտոնից:

Արժանացել է ՀՀ վարչապետի, Ոստիկանության, Հայաստանի փրկարար ծառայության, Պաշտպանության և Արտակարգ իրավիճակների նախարարությունների, Ազգային անվտանգության խորհրդի պատվոգրերի ու շնորհակալագրերի։

• ՀՀ ՊՆ «Գարեգին Նժդեհ» մեդալ,
• ՀՀ ՊՆ «Անդրանիկ Օզանյան» մեդալ,
• ՀՀ Ոստիկանության «Համագործակցության ամրապնդման համար» մեդալ,
• ՀՀ ԱԻՆ «Կանխարգելում, օգնություն, փրկություն» մեդալ,
• ՀՀ ԱԺ նախագահի մեդալ

• ՀՀ ԱԻՆ «Անբասիր ծառայություն» մեդալ։
• Քաղպաշտպանության միջազգային կազմակերպության կողմից արժանացել է «ՔՊ միջազգային կարգի ասպետ» շքանշանի։
• 2013 թ. սեպտեմբերի 2-ին ՀՀ նախագահի հրամանագրով շնորհվել է փրկարարական ծառայության գեներալ-մայորի կոչում:

Ամուսնացած է, ունի երեք երեխա և երկու թոռ։

• Մեր մեջ ասած - Նիկոլայ Գրիգորյան