Navum Trakhtenberg

Навум Яфімавіч Трахтэнберг (4 студзеня 1910, Бахмач Чарнігаўскай губерні Расія, Канатопскі павет, Чарнігаўская губерня, Расія — 16 кастрычніка 1977, Мінск, БССР) — беларускі і савецкі архітэктар.

Біяграфія

Навум Яфімавіч Трахтэнберг з 1924 года жыў у Адэсе, дзе спачатку скончыў будаўнічую прафшколу, а з 1928 па 1932 год вучыўся на архітэктурным факультэце Адэскага інстытута выяўленчых мастацтваў (з 1930 г. — Інстытут інжынераў грамадзянскага і камунальнага будаўніцтва). Яго настаўнікамі былі М. В. Замечак і В. Д. Зейлігер.

У кастрычніку 1934 пераехаў у Мінск.

У 1953—1956 гадах узначальваў Майстэрню Генплана ў інстытуце «Мінскпраект», адначасова ў 1954—1976 гадах выкладаў у Беларускім політэхнічным інстытуце. У 1968 г. за архітэктуру цэнтральнай магістралі Мінска (Ленінскага праекта) М. Я. Трахтэнбергу была прысуджана Дзяржаўная прэмія БССР.

Выбраныя праекты

• Генпланы Бабруйска (1935-1936) і Магілёва (1937—1939, разам з М. Андросавым)
• Праект дэталёвай планіроўкі Мінска (1937-1939)
• Генплан аднаўлення і развіцця Мінска (1946; карэкціроўкі — 1952, 1958-1959), сумесна з У. А. Каралём і С. Б. Спяранскім)
• Генплан развіцця Мінска (1965)
• Праект дэталёвай планіроўкі і забудовы часткі Ленінскага праспекта ў Мінску (1952), сумесна Г. В. Сысравым, С. С. Мусінскім і інш.)
• Генпланы Бабруйска (1949) і Мазыра (1953)
• Праект забудовы цэнтральнай часткі Віцебска (1950)
• Схема планіроўкі прыгараднай зоны Мінска (1959-64)
• Праект планіроўкі зоны адпачынку ў раёне Заслаўскага вадасховішча (1968).

Зноскі

Літаратура

• Трахтэнберг Навум Яфімавіч // Архітэктура Беларусі: Энцыклапедычны даведнік. — Мн.: БелЭн, 1993.

Спасылкі

• Біяграфія Трахтэнберга Н. Е.
• Артыкул пра Трахтэнберга на сайце Беларускага Саюза Архітэктараў