Manana Chitishvili

მანანა ჩიტიშვილი (დ. 13 ნოემბერი 1954) — ქართველი პოეტი.

დაიბადა 1954 წლის 13 ნოემბერს, ქსნის ხეობაში, ახალგორის რაიონის სოფელ კორინთაში. 1974 წელს დაამთავრა გორის სახელმწიფო პედაგოგიური ინსტიტუტის ისტორია-ფილოლოგიის ფაკულტეტი. 1986 წელს დაიცვა საკანდიდატო დისერტაცია. სალიტერატურო მოღვაწეობა დაიწყო საუკუნის 1970-იანი წლების ბოლოს.

იბეჭდებოდა ჟურნალებში „ცისკარი“, „მნათობი“ და გაზეთში „ლიტერატურული საქართველო“. გამოცემული აქვს ლექსების რვა კრებული. მიღებული აქვს 6 ლიტერატურული პრემია. დაჯილდოებულია ღირსების ორდენით. მისი ლექსები თარგმნილია იტალიურ, ინგლისურ, სომხურ, აზერბაიჯანულ და რუსულ ენებზე. 2003 წელს ამერიკის ბიოგრაფიის უნივერსიტეტმა შეიტანა კრებულში „თანამედროვე ეპოქის ცნობილი ადამიანები“. მიღებული აქვს დავით აღმაშენებლის სახელობის პრემია ნომინაციაში „ერის ტკივილი ლექსად“.

• „ქსანზე“: ლექსები (ავტორი). - თბილისი, მერანი, 1979. - 39 გვ.
• „მინდვრის ფერადები“: ლექსები (ავტორი). - თბილისი, მერანი, 1984. - 63გვ
• „ქართლის გზაზე“: ლექსები (ავტორი). - თბილისი, მერანი, 1988. - 91 გვ.
• „მზის მოლოდინში“: ლექსები (ავტორი). - თბილისი, ნაკადული, 1990. - 62 გვ.
• „შენ ჩემი ლოცვა გიშველის“: ლექსები (ავტორი). - თბილისი, მერანი, 1997. - 124 გვ.
• „100 ლექსი“ (ავტორი). - თბილისი, ინტელექტი, 2001. - 126 გვ.
• „მაინც საქართველო ერქვა“: ლექსები (ავტორი). - თბილისი, ინტელექტი, 2010. - 228 გვ. - ISBN: 978-9941-420-76-4

• მანანა ჩიტიშვილი — საქართველოს პარლამენტის ეროვნული ბიბლიოთეკა