Quick Facts
Biography
Magnhild Bruheim (fødd 17. september 1951), fødd og oppvaksen i Skjåk og busett på Lillehammer, er ein norsk skjønn- og faglitterær forfattar og frilansjournalist. Ho er utdanna cand.philol. med hovudfag i nordisk ved Universitetet i Oslo i 1982, og har tilleggsutdanning som journalist. Ho debuterte som forfattar i 1997, og har tidlegare vore radio- og TV-journalist i NRK Oppland. Somme av bøkene hennar er omsette til tysk. Ho var leiar av Norsk Målungdom 1978-79.
Bruheim har mellom anna skrive kriminalromanar som er lagde til eit bygdemiljø i perioden frå 1960 til 2000, og vert rekna som ein av dei fremste representantane for sjangeren «bygdekrim». Ho har òg skrive romanar for ungdom, ein oppvekstroman, ein historisk roman, ei matbok og ei bok om gamle slagerar.
Bøker[2]
| År | Tittel | Merknad |
|---|---|---|
| 2011 | Blod på hendene | roman |
| 2010 | Det som ein gong var | roman |
| 2010 | På flukt | ungdomsroman |
| 2008 | Nattskrik | kriminalroman |
| 2007 | Venneringen | ungdomsroman |
| 2005 | Trolldomskraft | roman |
| 2004 | Matminne frå Gudbrandsdalen | sakprosa (medf.) |
| 2003 | Ny melding | ungdomsroman |
| 2002 | Dragsug | kriminalroman |
| 2001 | Svart arv | kriminalroman |
| 2000 | Lykkeland: Minne frå slagerbøkene | sakprosa (medf.) |
| 2000 | Utan englevakt | kriminalroman |
| 1999 | Maskerade | kriminalroman |
| 1997 | Varselet | kriminalroman |
Referansar
- ↑ «Magnhild Bruheim», driveklepp.org, henta 19. august 2019
- ↑ «Magnhild Bruheim», Forfatterkatalogen (på bokmål), henta 18. august 2019
- ↑ «Norsk Målungdom», malungdom.no, henta 17. august 2019
- ↑ Samlaget, «Magnhild Bruheim», Samlaget (på engelsk), henta 18. august 2019
Bakgrunnsstoff
- Magnhild Bruheims eiga forfattarside på internett
- Digitaliserte bøker av Magnhild Bruheim i bokhylla.no (Nasjonalbiblioteket)