Lyudmila Kheydarava
Quick Facts
Biography
Людміла Фёдараўна Хейда́рава (Псеўданімы: Людміла Паўлікава, Людміла Паўлікава-Хейдарава, Ялізава, Асіповіцкі раён, Магілёўская вобласць) — беларуская пісьменніца.
Біяграфія
Нарадзілася ў сям'і рабочага і настаўніцы. Скончыла факультэт прыкладной матэматыкі БДУ (1974). З 1974 г. працавала ў НДI электронна-вылічальных машын у Мінску, з 1980 г. — вядучы канструктар у Беларускім навукова-даследчым i праектна-тэхналагічным інстытуце арганізацыі i кіравання будаўніцтвам Дзяржбуда БССР, з 1985 г. — вядучы інжынер Мінскага навукова-даследчага прыборабудаўнічага інстытуце. У 1987—1997 г. на Беларускім тэлебачанні, з 1987 г. — старшы рэдактар, з 1990 г. — намеснік галоўнага рэдактара літаратурна-драматычнай рэдакцыі Беларускага тэлебачання. Член Саюза пісьменнікаў СССР з 1985 г.
Дэбютавала вершамі ў 1980 г. (часопіс «Маладосць»). Аўтар зборнікаў паэзіі «Адведзіны рамонкавай паляны» (1985), «Тваё святло» (1988), філасофска-драматычнай паэмы-казкі «Можна i Нельга» (1988), «Купанне ў росах» (1993) — усе выйшлі пад псеўданімам Людміла , пад псеўданімам Людміла Паўлікава-Хейдарава— зборнікі паэзіі, «Плач па анёлу» (2004), філасофская кніга іцзін-секстэтаў «Вечаровае веча» (2009, фрагменты ў час. «Маладосць»), «Прыступкі да Храма Святога Духа» (2017), пад прозвішчам Хейдарава выйшла кніга апавяданняў «Дарт» (2002) . У перыядычным друку — зборнік «Дзень паэзіі», часопісы «Маладосць», «Полымя», «Беларусь», «Вожык», «Работніца і сялянка», рэспубліканскіх газетах публікуе апавяданні, навелы.
У паэтычных творах філасофскі роздум, гісторыка-патрыятычная i любоўная лірыка, тэмы прыроды i вытокаў чалавечага духу. У празаічных творах аўтарскай пазіцыі ўласціва дабрадушная іронія.
Пераклала з рускай на беларускую асобныя творы А. Пушкіна, М.Лермантава, Г. Ахматавай, М. Валошына, Б. Пастэрнака, М. Цвятаевай, В. Мандэльштама, з літоўскай, украінскай, польскай, рускай творы сучасных паэтаў.
Узнагароды
Лаўрэат Літаратурнай прэміі імя Алеся Адамовіча (1996) за прынцыповасць i майстэрства ў асвятленні сучасных праблем Беларусі.
Зноскі
Літаратура
- Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн.: БелЭн, 2003. — 512 с.: іл. ISBN 985-11-0279-2 (т. 17), ISBN 985-11-0035-8.
- Родам з Асіповіччыны // Памяць. Асіповіцкі раён. — Мн., 2002. — С.630;
- Беларускія пісьменнікі (1917—1990): Даведнік; Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. ISBN 5-340-00709-X;
- Хейдарава Людміла — нар. у п. Ялізава // Анталогія беларускай паэзіі. — Мн., 1993. — С.537-539.