Quantcast
peoplepill id: karlheinz-jung
KJ
1 views today
1 views this week
Karlheinz Jung

Karlheinz Jung

German businessperson
Karlheinz Jung
The basics

Quick Facts

Intro German businessperson
Is Businessperson
From Germany
Type Business
Gender male
Birth 3 November 1952, Zell im Wiesental, Germany
Age 67 years
Star sign ScorpioScorpio
The details

Biography

Dr Karlheinz „Kalle“ Jung (* 3. Novämber 1952 z Zäll) isch e dytsche Sozialaarbeter, Bedriibswiirt un Verwaltigsdiräkter.

Lääbe

Dr Karlheinz Jung isch isch z Lörrach in dr Haagenerstroß un speter im Obermattweg z Stette bi Lörrach ufgwagse. Syy Vater, Gerhard Jung, isch Oberamtmann bi dr Boscht gsi un derzue e bekannte Schwarzwälder Dialäktdichter, syy Mueter, Klara geb. Wuchner, Huusfrau. Dr Kalle Jung het zwai Gschwischter, e jingere Brueder, Markus Manfred Jung, e Gimnasialleerer un alemannische Dialäktdichter, un e jingeri Schweschter, Sabine verh. Ging, e Musiklehreri.

No dr Schuel het dr Jung vu 1974 bis 1978 han dr kadoolische Fachhochschuel z Fryburg Soziaalaarbet studiert un mit em Diplom abgschlosse. Är het zee Joor in dr Chinder- un Juugedpsychiatry vu dr Universiteetskliinik Fryburg gschafft un isch derno zee Joor Personaalrootsvorsitzer gsii.

Nääbehäär het er e Uusabildig zum Hochschuelfachökonom Personaalwääse (Abschluss 1997) gmacht un derno vu 1997 bis 1999 an dr Fachhoochschuel AKAD Leipzig Bedriibswiirtschaft studiert un en Abschluss as Diploom-Chaufmann (FH) gmacht. Syni Diploomaarbet het er gschriibe iber Mitarbaiterfierig im Chrankehuusmänätschmänt. Är isch derno in d Verwaltig vum Universiteetskliinikum gwägslet un het in verschiidene Laitgsfunkzioone gschafft, unter anderem as Laiter vum Gschäftsberyych Personal un Wiirtschaft, zletscht as stellverdrättende chaufmännische Diräkter. Im Rame vu syre Aarbet am Universiteetsklinikum isch er au Gschäftsfierer vu zwoo Doochtergsellsychafte gsiis, dr „Gesellschaft für Wissen, Service und Material in der Medizin mbH (WiSMa) und dr „Kongress & Kommunikation gGmbH“. Zwai Joor lang isch er au Mitgliid im Ufsiichtsroot vum Universiteetsklinikum gsii.

Am Malik Management Zentrum z St. Galle het er e Zuesatzqualifikazioon in Sischteemoriäntiertem Mänätschmänt gmacht. Derzue het er e Uusbildig zum EFQM-Assessor gmacht.

Dr Karlheinz Jung isch Mitgliid im Uusschuss vum Bundesbildigsminischterium fir d Entwicklig vu dr Beruefsuusbildig zum Chaufmann im Gsundhaitswääse gsii un au Mitgliid im Vorstand vu dr Bedriibschrankechasse. Näbe syre Aarbet het er an dr Kadoolische Hoochschuel un an dr Evangeelische Hoochschuel z Fryburg verschiideni Leerufdreeg ghaa, unter anderem in dr Beryych Pflääg, Soziaalaarbet un Soziaalmänätschmänt. Am Aarbetsgriicht Fryburg het er eerenamtli fimf Joor lang as Aarbetsriichter gschafft.

An dr Leuphana Universiteet z Lüneburg het er anne 2010 bi dr Maria-Eleonora Karsten zum Theemaa „Krankenhäuser brauchen eine integrierte Personalentwicklung. Stand und Perspektiven einer integrierten Personalentwicklung an den Universitätsklinika Deutschlands, Österreichs und der Schweiz“ promoviert.

Vu April 2008 bis Oktober 2012 het er an dr Universiteetsmediziin Göttingen gschafft, zeerscht as Laiter vum Gschäftsberyych Personal, derno ab Mai 2010 as Laiter vum Zäntralberyych Vorstand.

Zum Novämber 2012 isch er as Verwaltigsdiräkter an di Evangeelisch Diakonissechrankehuus z Karlsruhe-Rüppurr gwägslet. No dr Fusioon vu dr Evangeelische Diakonissenaaschtalt mit dr St. Vincentius-Klinike Karlsruhe isch dr Jung Vorstandsmitgliid vu dr nei bildete „ViDia – Christliche Kliniken Karlsruhe“ woore.

Anne 1985 het dr Kalle Jung bim Wettbewärb Junge Mundart vum Arbeitskreis Alemannische Heimat, Fryburg mitgmacht. Gedicht vun em uf Alemannisch sin in dr Anthology D Hailiecher uusechuu. Syterhär isch dr Jung aber im Unterschiid zue sym jingere Brueder nimi as Dialäktautor in Erschyynig drätte.

Dr Kalle Jung isch ghyroote mit dr Ursula Jung, ere Chinderchrankeschweschter, un het mit ire zwee Siin.

Schrifte

  • Ist-Analyse und konzeptionelle Weiterentwicklung der Mitarbeiterführung im Krankenhausmanagement unter besonderer Berücksichtigung der Universitätsklinika. Diplomarbeiten Agentur diplom.de 1999. 128 S.
  • Personalführung in Gesundheitseinrichtungen. Teil I. Decker, Heidelberg 1999. 109 S. ISBN-13 978-3768553322
  • Co-Management und Gegenmacht. Handbuch für Beschäftigtenvertreter in Krankenhäusern und Rehaeinrichtungen. Vorwort von Ulla Derwein. Mabuse-Verlag, Frankfurt am Main 1999 215 S. ISBN: 9783933050243
  • Knut Dahlgaard, Kalle Jung, Wolfgang Schelter: Profit-Center-Strukturen im Krankenhaus: Potentiale, Risiken und (Neben-)Wirkungen. Mabuse-Verlag, Frankfurt am Main 2000. 150 S. ISBN-13 978-3933050519
  • „Wenn Sie Visionen haben, gehen Sie zum Arzt!” Der Umbruch der bundesdeutschen Krankenhauslandschaft. In: Dr. med. Mabuse Nr. 123 (1/2000)
  • Krankenhäuser brauchen eine integrierte Personalentwicklung. Dissertation. Leuphana, Lüneburg 2010
  • Gedichte. In: D Hailiecher, Alemannische Anthologie Junge Mundart. Hrsg. Markus Manfred Jung/Muettersproch-Gsellschaft, Morstadt Verlag, Kehl 1987

Literatur

Weblink

The contents of this page are sourced from Wikipedia article on 17 Apr 2020. The contents are available under the CC BY-SA 4.0 license.
comments so far.
Comments
Reference sources
References
http://opus.uni-lueneburg.de/opus/volltexte/2010/14181/pdf/Promotion_Jung_Druckversion_final.pdf
https://www.diak-ka.de/downloads/wir_ueber_uns/bruecken/Bruecken_Ausgabe_Nr_03-2012.pdf
https://www.youtube.com/watch?v=H8b2OOWiLAs
arrow-left arrow-right arrow-up arrow-down instagram whatsapp myspace quora soundcloud spotify tumblr vk website youtube stumbleupon comments comments pandora gplay iheart tunein pandora gplay iheart tunein itunes