Quick Facts
Biography
Karl Weßling (* 11. März 1911 in Bremen; † 18. August 1968 ok dor) weer en Politiker vun de SPD un en Mann vun de Gewerkschaft in Bremen.
Leven
Weßling hett de Volksschool besöcht un is vun 1926 bit 1929 Lehrjung ween un hett up Elektriker lehrt. Denn hett he as Elektriker arbeit' un weer vun 1934 af an bi de Siemens-Schuckertwarken togange. He hett bi de Gewerkschaft mitmaakt un hett 1947 anfungen as Sekretär bi de Gewerkschaft ÖTV. Later is he Geschäftsföhrer un eersten Vörsitter bi de Oortsverwaltung Bremen wurrn.
Politik
Vun 1929 af an hett Weßling to de SPD tohöört. Vun 1947 af an seet he in de Bremer Börgerschop. Dor hett he sik sunnerlich mit Upgaven in de Gesundheitspolitik befaat'. An'n 21. Dezember 1959 is he in den Senat Kaisen VI Senater för Arbeit un Gesundheit wurrn. Börgermeester Willem Kaisen harr em beropen. Ok unner de latern Börgermeesters Willy Dehnkamp un Hans Koschnick is he in sien Amt bleven bit he 1968 storven weer.
Ehrungen
Vun em hett de Senator-Weßling-Straten bi dat Krankenhuus Links der Weser in Övervieland ehrn Naam kregen.
Kiek ok bi
- Bremer Senat
- Bremer Börgerschup
- Senat Kaisen VI (1959-1963)
- Senat Dehnkamp
- Senat Koschnick I
Literatur
- Handbuch der Bremischen Bürgerschaft