Joaquín Gago
Quick Facts
Biography
Joaquín Gago López, nado o 1 de setembro de 1955 en Vilagarcía de Arousa, é un político galego que foi alcalde da súa vila natal durante dezaseis anos.
Traxectoria
Licenciado en dereito, foi militante do PSdeG, e iniciou a súa carreira en 1983 como concelleiro en Vilagarcía de Arousa. En 1987 é nomeado delegado provincial da Consellería de Obras Públicas na provincia de Pontevedra polo daquela conselleiro Antolín Sánchez Presedo. Permanece nese cargo ata 1990, cando Manuel Fraga gaña as eleccións, e en 1991 accede ao cargo de alcalde de Vilagarcía.
Neste posto permanecerá ata 2007, cando decide non presentarse á reelección. Ademais, foi deputado no Congreso dos Deputados de España entre os anos 1996 e 2000, cargo que simultaneou coa alcaldía.
Trala súa retirada da primeira liña política ocupou o cargo de presidente da Autoridade Portuaria de Vilagarcía, entre 2007 e 2009, nomeado por Emilio Pérez Touriño. Co remate do goberno bipartito, accedeu ao posto de secretario municipal no concello de Catoira por uns meses, ata que en febreiro de 2010 foi nomeado presidente de Remolques Marítimos, a empresa pública estatal de remolcadores.
Predecesor: José Luis Rivera Mallo | alcalde de Vilagarcía de Arousa 1991-2007 | Sucesor: Enrique León Calviño |
Predecesor: Suso Paz | Presidente da Autoridade Portuaria de Vilagarcía 2007 – 2009 | Sucesor: Javier Puertas |
Notas
Véxase tamén
Outros artigos
- Eleccións municipais en Vilagarcía de Arousa