Quick Facts
Biography
João KEATING (1868 -1927) estis brazila instruisto, beletristo kaj esperantisto.
Li aprobiĝis en 1900 en la katedro de franca kaj itala lingvoj de Gymnasio do Estado (nuntempa lernejo "Culto à Ciência") en Campinas, ŝtato São Paulo kaj en tiu rolo li laboris ĝis la jaro 1925. De samtempulo Keating estis priskribita kiel "elstara, perfekta intelektulo kun profunda lingva kulturo".
Kiam fondiĝis la unua E-klubo en Brazilo, "Suda Stelaro" (1906), kies unua prezidanto li estis, li prelegis ĉefe en Centro de Ciências, Letras e Artes (nuna CCLA) de Kampino. En 1907 li prezidis la Unuan Brazilan Kongreson, en Rio de Janeiro kaj fariĝis vicprezidanto de Brazila Esperanto-Ligo, tiam fondita. Sub la plumnomo SAM-IDEANO, li verkis en 1909 la propagandan komedion "Cartões Postaes" (poŝtkartoj), eldonitan de Typographia Livro Azul de Campinas. En 1913 li ankoraŭ estis vicprezidanto de Brazila E-Ligo.
Li verkis "Gramática Francesa", "Fraseologia Popular Franco-Portuguesa" kaj kelkajn poezi-librojn en sia gepatra lingvo. Li havis grandan meriton en la disvastigo en Francio de la brazila poezio per siaj tradukaĵoj. Li emeritiĝis en 1925 kaj en 1927 li forpasis, en Parizo.
Estas strato en Campinas kun lia nomo (en la kvartalo Botafogo – poŝtkodo 13070-320).
Referencoj
- ↑ [Galeria dos Mestres Catedráticos do Colégio Culto à Ciência http://www.cultoaciencia.net/retratos1.htm]
- ↑ Monteiro, Aristides. "Panorama da Poesia em Campinas (até 1920)". Publicações da Academia Campinense de Letras n. 34. Campinas: 1976
- ↑ Brazila Esperantisto, n-ro 1 (Aprilo 1906), p. 6. Brazila Esperanto-Ligo, Rio de Janeiro http://memoria.bn.br/DocReader/380067/10
- ↑ Renascença, Revista Mensal Illustrada de Letras, Sciencias e Artes, n-ro 41 (Julio 1907), p. 31-33. E. Bevilacqua & Cia., Rio de Janeiro. http://memoria.bn.br/docreader/138622/1752
- ↑ https://goo.gl/maps/snxbC7Nm6J32
