Quick Facts
Biography
ივანე რაჟდენის ძე კახაძე (დ. 22 დეკემბერი, 1904 (3 იანვარი, 1905) დიდი ჯიხაიში — გ. 17 მაისი 1955, თბილისი) — ქართველი გეოლოგი. საქართველოს მეცნიერებათა აკადემიის წევრ-კორესპონდენტი (1950). გეოლოგიურ-მინერალოგიურ მეცნიერებათა დოქტორი (1946), პროფესორი (1947).
ბიოგრაფია
დაამთავრა ამიერკავკასიის სამთო-მეტალურგიული ინსტიტუტი (1930). ეწეოდა პედაგოგიურ მოღვაწეობას თბილისის სახელმწიფო უნივერსიტეტსა და საქართველოს პოლიტექნიკურ ინსტიტუტში.
კახაძის შრომები შეეხება კავკასიის მეზო-კაინოზოური ნალექების სტრატიგრაფიისა და ტექტონიკის საკითხებს. მნიშვნელოვანი წვლილი შეიტანა საქართველოსა და ჩრდილოეთ კავკასიის სასარგებლო წიაღისეულების (ქვანახშირი, ბარიტი, პოლიმეტალები, სამშენებლო ქვები და სხვ.) საბადოების გეოლოგიური აგებულების შესწავლის საქმეში.
დაჯილდოებლია შრომის წითელი დროშის ორდენით, აგრეთვე მედელბით.
თხზულება
- საქართველოს შუა იურულის ფაუნა, 1942.
ლიტერატურა
- ზესაშვილი ვ., ქართული საბჭოთა ენციკლოპედია, ტ. 5, გვ. 446, თბ., 1980 წელი.