Iker Vicente

Iker Vicente Saralegi (Otsagabia, 1997ko ekainaren 15a) nafar aizkolaria da. 2015ean, 18 urte besterik ez zuela, Nafarroako Aizkolari Txapelketa irabazi zuen. Nafarroako txapelketa nagusia irabazi duen aizkolari gazteena da. 2019 urtean Euskadiko Txapelduna izan da.

Palmaresa

• Urrezko Aizkora (2)
  • Banaka:
    • Txapelduna (2): 2018, 2019
    • Bigarrena (1): 2017
  • Binaka:
    • Txapelduna (2): 2018, 2019. Bi txapelketak Ruben Saralegi lehengusuarekin irabaziak ditu, Azpeitiko Izarraitz pilotalekuan.
    • Bigarrena (2): 2015, 2017
• Euskadiko Aizkolari Txapelketa
  • Txapelduna (1): 2019
  • Bigarrena (2): 2017, 2018
• Nafarroako Aizkolari Txapelketa (5): 2015, 2016, 2017, 2018, 2019
• Donostiako Urrezko Kopa (1): 2019

Beste batzuk

• Ramón Latasa Saria (1): Binaka, 2017ko abuztuan Ruben Saralegi lehengusuarekin lortutako garaipena Sunbillako pilotalekuan.
• "Txapeldunen Liga" (3): 2016-10-12 (Basauri), 2017-10-22 (Getxo), 2018-10-12 (Basauri).
• "Loiu Larrakoetxe Sari Berezia" (1): 2018-11-10, Loiu.
• "Plaza Berri Aizkora Saria" (1): 2019-03-09, Azkoitiako frontoian.
• "Xabier Orbegozo ´´Arria V.a``-ren errekor saiakera izugarriaren barruan antolatutako aizkolari erakustaldiaren garailea (binaka)" (1): 2019-03-17, Tolosako zezen plazan, Aritz Azpiazu Aginagalde ´´Arria VI.a´´ zuelarik lagun (25:07). Egin beharreko lana: 12 enbor 60 ontzakoak ebakitzea, txanda librean.
• "Munduko Aizkolaritza Txapelketa" (Woodchoppers World Championship)": Azpitxapeldun 2019ko apirilaren 19an jokatutako proban, Glen Gilliants-en atzetik, egur bat moztera. Proba Australiako Sidneyko EASTER SPORTS VARIATE SHOW ekitaldiaren barruan burutu zen, urtero-urtero egiten den moduan, eta 5.550 ikusle baino gehiago egon ziren proba hori bertatik bertara jarraitzen.
• "Joxe Ugartebururi eskainitako omenaldiko aizkolaritza ekitaldiko ("oraingo" maila) garailea", Mikel Larrañaga bikotekide zuelarik (15:43). Egin beharreko lana: 2 enbor 65" ontzako + 2 enbor 72" ontzako.

Erreferentziak