Quick Facts
Biography
Իվան Անդրեևիչ Լիննիչենկո (հոկտեմբերի 12 (24), 1857, Կիև, Ռուսական կայսրություն - հունիսի 9, 1926(1926-06-09), Սիմֆերոպոլ, ՌԽՖՍՀ, ԽՍՀՄ), ուկրաինական բուրժուական պատմաբան։ Պրոֆեսոր (1896 թ.), Սանկտ Պետերբուրգի կայսերական ԳԱ թղթակից անդամ (1913 թ.)։
Կենսագրություն
Ավարտել է Կիևի համալսարանը (1879 թ.), դասախոսել Օդեսայի և Մոսկվայի համալսարաններում։ Զբաղվել է Հին Ռուսիայի և միջնադարյան Ուկրաինայի պետական կառուցվածքների, ինչպես և միջնադարում հայ-ուկրաինական կապերի պատմությամբ։ «Ուրվագծեր Հարավ-Արևմտյան (Գալիցյան) Ռուսիայի 14-15-րդ դարերում դասերի պատմությունից» (1894 թ.), «Հայերի հասարակական դերը Հարավ-Արևմտյան Ռուսիայի անցյալում» Կիև, 1895 թ. (հայ. հրտ., «Լեհաստանի և Արևմտյան-Հարավային Ռուսիայի հայերը» վերնագրով, 1894 թ. և այլ գործերում Լիննիչենկոն տվել է Լվովի հայկական ինքնավարության պատմությունն ու հայերի պայքարը դրա պահպանման համար և հիմնականում ճիշտ բնորոշել նրանց դերը միջնադարյան Ուկրաինայի տնտեսական կյանքում։
Չափորոշչային վերահսկողություն | |
|---|---|
Չափորոշչային վերահսկողություն |
| Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 618)։ |