Helmy Yahya

Helmy Yahya lahir di Palémbang, Sumatera Selatan, 6 Maret 1963, Helmy nyaéta presenter, nu nulis sarta créator quiz sarta program télévisi. Lalaki anu kungsi nempuh atikan di STAN ieu meunang landian minangka raja Kuis Indonésia, sanggeus seniorna Ani Sumadi. Tantowi Yahya nyaéta lanceuk kandung ti Helmy Yahya anu ogé mangrupa presenter sarta produser nu kaceluk di Indonésia. Alatan loba ngaluarkeun kuis-kuis kréatif rarancangna sorangan sarta kuis adaptasi ti kuiz luar nagari.

Sawatara kuis anu jadi karyana di antawisna, Pesona Nada (TVRI), Kuis Berpacu Dalam Melodi (TVRI, 1989-1998), Kuis Aksara Bermakna (TVRI, 1989-1996), Kuis Siapa Dia (TVRI, 1992-1998), Kuis Tak Tik Boom (RCTI, 1992), Kuis Aksara Bermakna (ANTV, 1997), Kuis Joshua (Indosiar, 1999-2001), Kuis Siapa Berani (Indosiar, 2000 - 2005), sarta nu lianna. Sajaba ti éta sawatara réality show sarta acara-acara live télévisi ogé jadi hasil karyana. Di antawis program nu kasebut nyaéta,Asli Apa Palsu (Asal) (SCTV), Mimpi Kali Yee…, (SCTV), Menembus Batas (ANTV), Playboy Kabel (SCTV), Uang Kaget (RCTI, 2004 - 2006), Tolooong (SCTV), Penghuni Terakhir (ANTV), Bedah Rumah (RCTI), Nikah Gratis, (RCTI), Asal Plesetan (ANTV), sarta nu lianna. samentara patali kahirupan pribadina, Helmy nyaéta anak bungsu ti opat barayana, nyaéta Wardia Yahya (56), Alimin Yahya (52), Dalilah Yahya (47) sarta presenter Tantowi Yahya (42).

Helmi nyaéta salaki ti Harfansi Yahya, sarta miboga tilu urang anak, Rendy Faraitody Yahya (16), Amerigo Salim Yahya (10), Saskia Rachelly Yahya (6).

Helmy anu kungsi ngahontal Panasonic Award, presenter kuis panghadéna éta, arék pisah jeung pamajikanana. Tapi alatan tinimbang ti kulawarga sarta barudakna, pipirakan éta gagal lumangsung. Dina sasih Méi 2009, Helmy ngagugat cerai pamajikanana alatan pamajikanana selingkuh, dina kaping 21 Méi 2009, Helmy mergokan pamajikanana, keur jeung saurang lalaki. Tungtungna, Helmy mutuskeun pikeun ngadukeun pamajikanana sarta ngagugat cerai pamajikanana anu geus méré 4 urang anak.

Kaping 6 Juni 2009, Helmy resmi cerai jeung Aci, sarta Helmy meunang hak asuh kaopat anakna, sedengkeun patali jeung perkara perselingkuhan anu disangka dipigawé ku Aci, tungtungna Helmy henteu manjangkeun masalah ieu. Manéhna nyabut laporanana dina pertengahan Juni 2009. 11 Juni 2009, Helmy ngawinkeun putra kahijina, Rendy Faraithody Yahya. Dina acara kawinan budakna, urut pamajikanana teu datang dina acara.

Néangan rezeki di dunya hiburan, tétéla dituturkeun ku anakna. Tody, salah sahiji anak Helmy nu milih nuturkeun bapana kalayan nyieun band, AOP, anu ogé diorbitkaeun ku Helmy.

Tétéla jadi duda henteu perlu dirasakeun lila-lila ku Helmy, alatan di taun 2010, benerna dina kaping 15 Januari, manéhna ngalamar kabogohna, anu urut mahasiswina, Febriyani Sofyan.

Akad nikahna dina Minggu, 17 Januari, tempatna di Crowne Plaza, Sapphire Room. Maranéhna maké busana adat Palembang, Helmy resmi nikah jeung Febri minangka pamajikanana kalayan mas kawin duit sajumlah Rp.17.012.010 sarta sapakakas alat solat. Alatan Febri getihna Minang, ku kituna sanggeus nikah Helmy baris nampa gelar cahara, Bagindo Sati.