Quick Facts
Biography
Gorgonio Renteria Leniz (Elantxobe, Bizkaia, 1868ko irailaren 9a - Baiona, Lapurdi, 1940ko urtarrilaren 27a) politikari jeltzalea eta euskal idazlea izan zen.
Bizitza
Filipinetan pasa zituen hogei bat urte, merkataritza ontziko kapitain zela. 1897-1898 urte bitartean hainbat olerki eman zituen argitara, Euskalzale aldizkarian: Euskalzale-ri, Lora bateri, Amarentzat, Baserriko egun barria eta Urruntasuna. Ibaizabal aldizkarian ere idatzi zuen 1903tik aurrera.
Bere jaioterrira itzuli zelarik, politikan hasi zen, eta 1916-1920 bitartean EAJko Comunión Nacionalista Vasca eszisioko Euskadi Buru Batzar eta Bizkai Buru Batzarreko lehendakari izan zen, 1930an Aberri alderdiarekin EAJan berrelkartu zirelarik. Bizkaiko diputatu izan zen, bestalde, 1917an, eta Elantxobeko alkate hainbat aldiz. Artikulu ugari idatzi zuen Euzkadi, Ekin eta Gudari aldizkarietan. Espainiako Gerra Zibilean Baionara erbesteratu eta han hil zen handik denbora laburrera.
Lanak
Bilduma
- Izartu euskaldunak! Elantxobetar baten olerkiak eta artikuluak (2005, Labayru)
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
Kanpo loturak
- (Euskaraz) Gorgonio Renteria literaturaren zubitegian
| Aurrekoa Ramon Bikuña | EBBko presidentea Comunión Nacionalista Vasca 30px 1917ko maiatzaren 27a - 1920ko martxoaren 7a | Ondorengoa Ignacio Rotaetxe |
.jpg){kind=link}